Ñawpak yuyay Orgánica de Hábitat y Vivienda Kamachik maymutsurimi kanka kay Karupi Kikinllatak Kamachik, Mishanakuy chayshina Llakta Kuyuri Minkashka tantanakuypi, kawsana wasi iñumanta kaya puncha chunka saylla pacha punchapi chimpapuraymanta kayachinkuna.
Chay iñukunata paktalla uyashpa shinapash riksichishpa chikan chikan tukuchi allichikunata yachayukkunapak rimaykunata hapishpa, mankashka tantanakuy kay Karupi Kikinllatak Kamachik Minkashka Kamay wasipi llankak minkashkakuna, shinapash Asociación de Municipalidades del Ecuador (AME) minkashkakunatapash chaskinkakuna.
Yallishka tantanakuypi MIDUVI kamay wasimanta pushakkuna shuktak nikikunata allichichun ashtawan Mamallakta tukuypak llaktayukkunapak Kawsay wasikuna, ñawpak yuyaykunata killkay, ñawpak yuyay killkaypak mañaykunapak pankakunata paktachikunapak rikuchishkakuna. Shinallatak, wasi mañachi alli kawsaypak manashinashpaka rantina, shukutin yuyaypak, ushaypak, yanapanapak rikuy iñukunamanta AME pushakkuna shuktak yuyaykunata chayachishkakuna.
Shukutin llankaywillay killkaykunata allichishpa ishkay niki chimpapuraypak, satallirurak llankakkuna yallishka killakunata tukuy yachayukkuna kay minkashka tantanakuypi yuyaykunata churashkakunata yanapanchik nirkakuna, tukuy yuyaykunata rakishkawan kay kamachik yalli pacha pakta pakta sapalla ima ushaypak chayshina wichiman llukshinapak tukuypak llakta, wankurishpa, chayshina tantarishpa; ashtawanpash llakta pukuchikunata shinapash tukuy kawsaypi ayllullakta ashtawanpash kitikunapi mutsurikunata rikushpa wiñachishpa ashtawanpash sinchiyachishpa paktachinapak katinkuna.
KC/pv/gu-k
