“Kunan kamachik, mana wiñachinka mamallaktapak atichikunata mana mirachinka, ashtawankari kullkikunata alli rakishpa paktachinkakuna may alli kawsana wasikunata tukuy mamallaktapi kawsakkunaman”, Celestino Chumpi Karupi Kikinllatak Kamachik, Mishanakuy shinapash Llakta Tantanakuy Minkashka pushak riksichirka, paktalla kati kay ishkay niki chimpapuraypak kay ñawpak yuyay Orgánica de Hábitat y Vivienda Kamachik katishpa llankanapak.
Satallichak tantanakuy minkashka nirka kawpak yuyay mamallakta shinapash ista yachayukkunapak rimaykunata chayshina umpaykunata chaskirka, shinapash shukta tantanakuykuna, shukpalla llankay wasi ashtawanpash tukuypak kamay wasikunamantapash chaskirkakuna. Satallichak tantanakuypak yanapay rikuchin tukuyta hamutak kamachik nishpa allichi tiyachun mañankuna.
Ñawpak yuyay kamachik charin 126 nikikunata, chayshina 15 kunanllapak churashka, shuk hatun nishka, chusku anchuchi chayshina shuk nishka tukuchi. Kamachik maskan llamkaypaktachi chayshina Mamallaktapak kawsana wasikunata mañay rurak shinapak paktachik, déficit habitacional makanapak, kawsanapak wasi rikuy allichi, uriyashka allikay ruray, imakuna kawsana wasipi illashka chayshina wakllarishka mayayashka utkalla wiñachi paktashkamanta rikunkuna.
Darío Herrera, Desarrollo Urbano y Vivienda kamaywasiyuk shinallatak María Gloria Pérez MIDUVI kamachik ukumanta pushak, minkashkakunapak tantakuy alli apashkamanta mamallaktapi déficit habitacional uriyachikuhskamanta alli pacha rikurkakuna. Shinapash mañarkakuna tukuy pankakunata akllashpa wasikunata chaskinapak hapichun shinapash chikan chikan kawsaypak ñawpak yuyaykuna tantachichun mañankuna.
Shinallatak, ranti ranti tantarirka, may alli kawsaypak wasita allichinapak, ishkay paktachikunata charichun: allpa pachata kuyuchita sinchiyachi chayshina imakunata tiyashkata paktachichun rimankuna.
Asociación de Municipalidades Ecuatorianas (AME) minkashkakuna, chayarka Karin Jaramillo, kamachik pushak shinapash Juan Carlos Macancela, satallichak pushakkuna killkashka pankakunata rikushpa allichichun mañankuna, kashna manukunapi chayshina shuktak kamachikkunawan tantachishpa llakta utkakamachiy, mawkay shinapash allpa mañaymashkaykunawan tantachishpa allichinapak.
Kamachiy killkakkuna, Gustavo Mateus, Mariela Pajuña shinapash Patricia Sánchez ranti ranti yuyaykunawan AME minkashkakunawan paktarinkuna, kamay wasi kamachik yanapakta mañanapak, killkashkata rikuchun, imamantachiy churashkata paktachishkata, maypika kamachik hamutashka chayshina achikyachishka paktachun rimankuna.
Minkashka tantankuy pushak, Celestino Chumpi, nirka kay Ecuador Mamallakta utka mutsurin shuk Wasikunamanta kamachik llaktay wasikunaman rikushka tiyachun, Mamallakta umachikpak mana shuktak pushakkunapak chay washa shamushpa llakichikunata tiyachun. Chayshina mañarka tukuy rikuykunata chikan chikan kamachiy killkakkuna manarak pichka sisa killapi tikrachishka tiyachun, maypika manu pachakuna tukurin willayllankay ishaky niki tantanakuypak chayachishka kachun mañankuna.
KC/pv/gu-k
