Relaciones Internacionales Minkashka tantanakuy pushak, Juan Fernando Flores, shuk hatun tantanakuyta Indonesia Mamallakta Tantanakuymanta kamachiy killkakkuna Ecuador Mamallakta Tantanakuy Kamachiy killkakkunawan charishkata paktachirkakuna, ishkay mamallaktakunamanta ranti ranti alli llankayta paktachinapak rimankuna, kamachiy llankaykunata ishkantimanta rakinapak, runahayñikunapak tiksikunawan.
Flores riksichirka Indonesia Mamallaktamanta minkashkakuna kay tantanakuypi wankurikkuna mana makillata kushpa napankachu kan, ashtawan warmikunata millay llakichikunata harkanapak ashtawanpash llaktapikunapi paktalla warmikunapai ayninakuy tiyachun rimankuna. Yuyachirkakuna kay iskun minkashkakuna chikan chikan kuyurimuykunamanta tiyankuna. Tukuykuna wankurishpa shuk alli mamallaktata paktachinapak chayshina paykunapak saywakunata paskanapak. “Shuk mamallakta paskashka, shukmanyashka kanchik, Indonesia Mamallaktapi yapalla Ecuador Mamallaktata munanchik shinapash Indonesia Mamallaktata Ecuador Mamallaktapi munanchik”, Relaciones Internacionales Minkashka pushak rimarirka.
Indonesia Istallaktakamayuk Ecuador Mamallaktapi, Agun Kruniadi, ishkantiman kamachiy killkakkunapura tantanakuypak paskashkamanta yupaycharka. Kashka tantanakuykunawan rantimanta mashipurariy kamachiy killkakkunapak yachayachayukta rakikunata sinchiyachinapak, ashtawan kay runa hayñikunapi rikuy chayshina warmikunapak millaykunata uriyachinapak nirkakuna.
Chaymanta rimarirka maymutsurimi kan ishakntimanta mashipurarikunata shinapash kamachikunapak llaktapura mitachikunata sinchiyachinapak, ashtawanpash paktalla sumaychay chayshina makichuraypak, Ecuador mamallaktapi pichka niki runakunapak mintalayay may hatun Abaya Yala wankurikunapi tiyan nirkakuna.
Paypak manyamanta, Willy Aditya, Indonesia Mamallaktamanta kamachiy killakak, Relaciones Internacionales Minkashka pushakta kushiyarka, rimanakuyta paskashpa yuyaykunata yachayachayukkunata rakinapak, shinapash warmikunapak millaykunata uriyachinapak rimankuna.
Maypika, Relaciones Internacionales Minkashka kipa pushak, Jessica Castillo, nirka kay kamachiy tantanakuy rimankakuna ista hillaykunata ashtawanpash may allimi kan ishkay mamallaktapak hayñikunata paktachinapak alli kanka, ishkay mamallakta wawkipura shina kan nirkakuna.
JLVN/pv/gu-k
Más fotografías
