Mamallakta Tantanakuy pushak, Guadalupe Llori Abarca, sukta chunka shuk watakuna Naranjal kiti Guayas Markamanta, wiñachishka yuyarina watakuna paktakpi llakta raymi tantanakuypi aynirka, maypika warmikunapak chayshina karikunapak llankaykuna achkata pacha mamallaktapi wiñachishpa katinapak rimarka. "Kay mushuk Mamallakta Tantanakuy tukuy llaktayukkunawan makimanta hapishpa llankankuna, chikan chikan ayllullaktakunapi uyashpa, paykunapak muskuyta, shukta achiklla yuyaykunata, paykunapak rikuchikunata shinapash unancha kaparikunata shamuk alli pachakunapak", Mamallakta Tantanakuy pushak riksichirka.
Guadalupe Llori kamachiy killkakkuna pakta pakta chayshina hatun aripaktachikunawan llankan, mamallaktapi tukuy llaktayukkunapak yallika wakcha runakunapak kawsaypi rikushpa kamachinata nirkakuna. “Ñukanchik mamallaktapak mutsurikunapi rikushpa paktachinapak mana mayhanpash kamachiy killkakkunapak llankaykunata kay kunan pacha chayshina shamuk pachakunapak ushayta harkankachun”, nirkakuna.
Shinapash Naranjal kiti may sumak allpami kan nirka, achiklla pachamama kashkamanta, shinapash hatun chikan chikan llachakamay shinapash wiwakamay shuk alli kawsaypak wankurin, paktalla tukuykuna makichurashpa llaktayukkunapak kawsayta kullki llankay kutin sinchiyachinapak, tukuy murukunata katunakunawan kallarichun, paykunapak llukuncha llankaykunawan, chakrakamay, wiwakamay ashtawanpash sumak kuskakamay llankaykunata allichinapak riksichirkakuna.
Guadalupe Llori yuyarirka kay kamachiy tantanakuy, pakta pakta tukuylla aynikuywan, shuk llankay ñan “Ecuador mamallaktapak wankuri llankay” paktachinapak killkarka, tukuy llaktayukkunawan shukshinalla tantarishpa llankay, kamachikkunata kay mamakullki, kawsaykamay shinapash kawsaypacha allirurayta paktachishpa yanapanapak rimankuna.
Kay llakta raymi tantanakuypi Naranjal Kiti Uku pushak, Luigi Rivera, llakta punku paskana hillayta Mamallakta Tantanakuy pushakman yallichirka, sumaychashka chayak runata churarkakuna, chayamushpa wankurishkamanta paktachirka. “Alli pushak, ñukapak shuk sumakchi kan, yunkarunapak llakta, ayllullakta runakuna, yurak, aychawak, apankura, 114 waranka naranjaleños runakunapak shutipi kaypi charina. Yupaychanchik kayman shamushkamanta shinapash kiti llankayta yapalla wichiman sinchiyachishpa makichuranapak”, Kiti Uku pushak rimarka.
EG/pv/gu-k
Más fotografías:
