Mamallakta Wallpa ashtawanpash Paktakay Minkashkakuna, Alejandro Jaramillo, kamachiy killkakpak makipi pushak, Mamallakta Llankayta Rikuk Kamachik mushukyachinapak ñawpak yuyaykunata yachaywan katinkuna, llankaywillayta kallaripi killkashkalla charin, maypika pichka ñawpak yuyaykunata kay kamachikpi rikunkuna, shinpash tiksimanta Ángel Maita, Francisco Jiménez, Luis Almeida, Sofía Sánchez y Yeseña Guamaní Kamachiy Killkakkunami churarkakuna.
Kay ñawpak yuyay mushuk hillay kamachiypaktaykunata wiñachishpa kay Kullki Imarurashkata Rikuriyak Kamachikpi, chushak tiyashkata allichinapak chay kamay wasi llankayta allipi churashpa sakinapak, shinapash shukutin Kullki Imarurashkata Rikuriyak shutichiyay shinapash minkashka chinkakpi, tukuy llakichikuna kaykama llakichishpa kamay wasi shamushkakuna tiksiku rikurayak, llankaykatiy shinapash mamallakta llankayrikuy chushak rikurin.
Kamachiy killkak Fausto Jarrín ishkay mushuk llankayñan tantanakuykunata charinapak rimankuna, tukuy kimirihspa llankakunawan shuktak mushuk kamachiypaktaykunapi paktachishpa, shuk llankaywillayta tukuylla paktachinapak chikan chikan kuyurimuy tantanakuykunawan kamachiy tantankuykunaman tantarishpa llankakuna.
Kamachiy killkak Johanna Moreira mushuk achiklla yuyaykuna llukshin shuk rikuchikunawan, Kullki Imarurashkata rikuriyak wichkana wasimanta pankakunata rikushpa allichinkuna. Kashna rimaykunamanta may mutsuri tantalla achiklla yuyaykunata arininapak, tukuy llakikunata allichishpa sakinapak, Kullki Imarurashkata Rikuriyak llakichishkakunamanta rimaykunawan katinkuna, riksichirka.
Paypak manyamanta, José Chimbo yuyachishka hawa Mamallakta Tantanakuy mana atishpalla rurankuna ñawpa Kullki Imarurashkata Rikuriyak riksichirka, kay ñawpak yuyay maskan wichiyachinapak chushak kamachiypaktayta 33 niki Kullki Imarurashkata Rikuriyak Kamachikpi, tawka kamachiy killkakkuna llaki tiyashkakunamanta achiklla yuyaykunata chayachishkakuna.
Kamachiy killkakuna hatun paktaykunawan ñawpak yuyaykunawan arininakun, kamay wasikunapi shuwaykuna tiyashkakunata makapanapak shinapash Mamallaktapak kullkikunata sumakta pacha rikushpa llankanapak rimankuna.
Kamachiy killkak Ángel Maita, kawpak yuyayta rurak, may mutsurimi kaN tukuy shukshinalla yuyaykunata churashpa shuk kamachik tukuy llaktayukkunata kamanapak, chushakkuna tiyashkata Mamallakta Llankayta Rikuk Kamachik achiklla llankayta rurashpa sakinapak willankuna.
Paktakay Minkashka tantanakuy arinirka tukuylla shuk yuyaykunata hapishpa ñawpak yuyaykuna mushukyachishpa, alli hamutashka tiyachun ishkay llankayñan kay kamachiy tantanakuykunapi minkarishpa yanapakkunawan, ñawpak yuyaykunata churakkunawan tantarishpa, shuk llankaywillayta paktalla wankurishpa ruranapak rimankuna.
PV/gu-k
