Hunta rimanakuy Mamallakta Tantanakuy ishkay niki chimpapuraykunapi ñawpak yuyay Orgánico de la Economía Social de los Conocimientos, Creatividad e Innovación (Código Ingenios) Kamachik mushukyachinapak arinirkakuna, yachayukkunaman kullkita karashka hatun llaki unkuykunapi kawsaykunapi mana utka yallichikuna tiyashkamanta yanapankuna. Chaymanta, kullki karaywan runapak yuyayhunta sinchiyachishpa allitarikurayaykunata pachanyachiykunapak maskan, yachaypak kullki mañachi mañachishinapash kullkiwan makichuraykunpi llankakuna. Ñawpak yuyay maymutsuri paktakay uchillakamachiyta tantachin, paykunamanta, mitachi kullkita 4% uriyachishpa yallichinapak chayshina yachaypak kullki mañashpa hapishkata kallari kullki yallichikunata anchuchichun paktachinkuna.
Tantanakuy kullkiyachik llika chaskikkunapak hayñi sumaychaykunata rikunkuna.
Kullkillankayta Rikuk, Ruth Arregui Solano, Hunta rimanakuy Mamallakta Tantanakuyman chayarkakuna, kullkirikuy shinapash tukuy llakikunata punchanti punchanti llakichishpa shamushkamanta kay paktachi kullkikamak llika, kullkikamak llikapanka, “Mi Vecino” kullkita yallichik shinapash chaskik, “kunantak” ruray shinallatak ATM Pichincha Kullki kamak wasi tukuyta paktachik, mana alli llikaypi ikay tiyashkamanta llankay rurashkata riksichichun kayashkakuna. Tukuy paktalla rikuykunawan hamutakushka maymutsuri llakikunapi kullki mañachi llankaypi, tukuchishpa wichkay shinapash allichikunapi rikukkuna llankakushkata riksichirka. Kamachik killkak, chay washa kullki kamak wasikunapi llakikuna tiyashkata mana rikuchi ushankunachu maypika pichka hunu llaktayuk mana ima tukushkata yachay ushashkakunachu imallatak tukushkata yachanapak nishpa riksichirkakuna.
Llaktapi tantanakuy
Mamallakta Tantanakuy pushak, Guadalupe Llori, Pastaza 62 wiñarishka marka wata paktashkamanta llakta raymi tantanakuypi aynirkakuna, maypika riksichirka, aymuray killamanta, Kamachiy tantanakuy 96 ñawpak yuyay kamachikkunata chayachirka kunanka hamunchashka minkashka tantanakuypi paktalla rikuywan katin, chaymanta, 34 ñawpak yuyay tukuy llakta chakrakamayuk, kapuchik wasikuna, uchilla katukkuna, warmikuna, wamrakuna shinallatak wakchakunapak kawsayta allichinapak llankayta paktachikushkata riman. Llakta aynikuy Minkashka GAD Tungurahua Marka tantanakuy ukupi pushakkuna tantanakurka. Loja kitipi, Kamachik Tantanakuy Manuel Carrión Pinzano Hatunwkupi, Yachay Minkashka tukuy llaktayukkunawan tantanakurka ñawpak yuyay Sumak Hatun Yachana Wasi, Ishakay Shimipi Yachay chayshina Kawsay Kamachik mushukyachinamanta paykunapak yuyaykunata uyanapak. Cuenca kitipi Hampian Wasi Minkashka tantanakuy Ñawparikuy, Kamay chayshina Tukuy Unkuywan kawsak runakunapak kamachik ñawpak yuyaymanta rimarkakuna.
2022 Milkapanka shinapash utka ñawpak yuyay iñukunata paktalla puncha llankaykunapi hamutarkakuna
Paktalla kay ñawpak yuyay Kullki Wiñachiy shinallatak Watapak Charirayanalla Kamachik Cvid-19 llaki unkuypi, shinapash Mamallaktapak Hatunkullki Milkapanka 2022 mita watapak ashtawanpash 2022-2025 chusku watakunapak hatunkullki Llankayallichikunata tukuy punchakunapi tukuypak, shukpalla llaktayukkuna aynirkakuna achka llankay paktachikunata aparka, tawka rimaykunata hamutarkakuna. Kullki Wiñariy chayshina Kullkimanta Kamachiykuna Minkashkakuna tantanakuyman Mamallakta Wasikamayuk, ñawpa llankakkunapak minkashka, sumak yachaywasi, kamay wasikunata rikuk, Karupi Kikinllatak Kamachikkuna, runakamak wasikuna, llankaywasikunapak wankuri shinapash kapuchiykunapipash, kuskichik, yachaymanta shinapash kullkiyachayuk, paykunapak yuyaykunata uyashpa chayshina shuktak mutsurikunata Mamallakta pushak churanapak rikunkuna.
Wasimuyuntin, kawsana wasi, mikuna usuchi shinapash Kawsay Kamachik muhuskyachinapak hunkay punchakkunapak llankayñankuna wankurin.
Kawsayta mirachina shinapash mamallakta kikinkay; tukuy muyunti kawsay charimushka hapinalla ruray katichiy tankana; mamallakta takikkunata yanapanapak ashtawanpash Casa de la Cultura Ecuatoriana wasita ista mmallaktapi wiñachinata, shuktak hatun paktay ñawpak yuyay Kamay Kamachik mushukyachinapak, Yachay Minkashka tantanakuy kallari chimpapuraypak llankaywillay pankata arinirkakuna. Ñawpak yuyay Kapuchiy, Katuy, Ruray, Mikuy, Rikuy ashtawanpash Ñuñu chani churashpa Mirachina Kamachik chikan chikan markakunapak mamallaktapi ñami charin shuk paktana yuyayta riksichinapak; kay rikuchikuna tukuy pachakunapi llaktakakunata paktalla apanapak sumaychanapak maskan, tantalla ñawpak yuyay Kamay chayshina tantalla Llakta Ayllukunapak Kulli Wiñariy Kamachik, Awkiyay Mikuy Minkashka tantanakuypak maymutsuri kan. Sukmanta, Mamakamachiy Paktachiy Minkashka ñawpak yuyay Llakta Yakuzirma Kullki Raki Kamachik tiyashka uyachirka, 047 Kamachik mushukyachi shinapash utkalla llankaykunata apashpa sinchiyachinapak llankayñankuna arinirkakuna. Tawkasami Kawsay Minkashka kay Antisuyu Hamuncha Kamachik llakta llankayñan rikuypak arinirka, tantanakuykunata Orellana, Pastaza, Napo, Sucumbíos, Zamora Chinchipe shinallatak Morona Santiago markakunapi paktachinkakuna.
Kay llika SUCRE, Wichkana Wasi llaki shinapash hampi murukunata yallichi ñawinchiy llankayñankunawan churarka.
Ñawinchiy Minkashka Fondo Global de Construcción (Fonglocons) llankay paktachi yallishkapi pakta taripaykunawan katinkuna, Sistema Único de Compensación Regional de Pagos (SUCRE) llankaywa. Chaymanta chaskin tawka llankakuna, kamay wasi ñawpa llankakkuna, kamachikkuna, rikuk pushakkuna shinapash llankay wasi minkashkakunapak willaykunata chaskirkakuna. Kutishukmanta, Economía Popular y Solidaria Hatun Hamutachik, llankay paktachimanta riksichirka. Soberanía y Seguridad Integral Minkashka wichkana wasi llaki kawsayta chayshina Ecuador mamallaktapi llaktayukkunapak mana alli ikay tiyashka llankaywillayta anirkakuna, maypika Hunta rimanakuy Mamallakta Tantanakuypi chimpapuranapak churankakuna; pay pushakpak yuyaypi, Ramiro Narváez, aymuray killamanta paktalla shuk ñawinchikunata rurashkakuna, willay shinapash hamutaykunata hatachinkuna, mamallakta kamay wasikunapi imashina llankayñankunata paktachishkata rikunapak katishkakuna. Llaktapak Hampina Wasi, llaktayuk Aynikuykunapak Minkashka paypak chimpapuraykunapi,1300 hunu dólares kullkikunata uchilla wallpa shinapash shuk niki, ishaky niki chayshina kimsa niki tukuy mamallaktapi hampina kamay wasikunapi hillaykunata churashpa allichinata rimankuna.
Llaktayukkuna kamachik wiñachikunapi ayninkuna
Ista Mashipurariy Minkashka tantanakuy, Kiti Ukupi Kamay wasikunashinapash shuk yachayuk minkashkakuna ñawpak yuyay Ista Rimanakushkakuna Kamachikmanta paykunapak yuyaykunata riksichichun chayarkakuna. Shinapash Kachaki pushakkuna, Yachaypak shinapash Mamallakta Harkak Kamay wasiyuk willaykunata chayachishkamanta uchilla kamachiy yachachi, yachay tukuchi ashtawanpash wakichik challwa hatunwampuk antapi llankakkunaman yuyarinakuy pakta riksichirka, Hampina Hayñi Minkashkapi Kawapacha Kamay wasi kipa pushak, ñawpak yuyaypak sakichiy shinapash uriyachinapak sitay shinapash usuchi mikunakuna wakcha runakunapak yarihayta uriyachinapak kamachik rimaymanta riksichirka; shuk nikipi kamachiy tantanakuypi ñawpak yuyay Pandemia Unkuy Llaki Kawsay mañaymashkay Kamachik iñumanta hamutaykunawan kallarirka. Yachay Minkashka Tukuypak Sumakta Yachay Rurachikwasimanta minkashkapak yuyaykunata uyarkakuna kamachichishka kamay, kullkiyachik shinallatak mañaymashkay, patakama yachachi, sumakta rurachikwasi pushak, llakta pukukun shinapash satallichak yachachi ashtawanpash satalliruray sumak yachay tiksimanta minkashkakunapak yuyayta uyarkakuna.
Minkashkakuna Tantanakuy llakta utkakamachiy, chukikamay chayshina runakunaman yanapaymanta chimpapurarkakuna.
Karupi Kikinllatak Kamachik Minkashka Patricia Sánchez, kamachiy killkakta kipa pushaypak akllarka. Kay paktachikunata rurarka Yeseña Guamaní kamachiy killkak kipa pushaymanta llukshishkamanta kunan kamachiy tantanakuymanta kipa pushakmanta. Shinapash Cootad chayshina Llakta Utkakamachiy, Chaski shinapash Allpa Mañaymashkay Kamachik mushukyachi yachaypak llankayñankunata arinirkakuna; kutishuk tantankuypi kay minkashkakuna ishkay niki chimpapuray kay ñawpak yuyay Wasimuyuntin ashtawanpash kawsaypak wasi ishkay hatun muskuyta charin. Tawkasami Kawsay Minkashka yachay shinapash kay Chukikamay Kamachik ñawpak yuyay rikuywan kallarirka, paktalla llankaywillayta killkay kallari shuk niki chimpapuraykunapak ñami shamuk hunkay chillay punchapak kanka. Llankaypak Hayñi Minkashka ñawpak yuyay Kikinllatak shinapash uchilla kikinllatak Llankayta Sinchiyachinapak Kamachikta rikunkuna Llaktapi Kullita sinchiyachinapak shinallatak Llankay Kamachik, mushukyachinapak tukuykuna llankaymanta kullkita tukuy kamay wasi llankashpa alli hapi ushachun rikunkuna.
Allikak minkashka Eckenner Recalde kamachiy killkakpak shutipi tukuy malli huchachi pankakunata kay paktalla taripaykunata rurashkata chaskirkakuna.
Allikak Minkashka tukuy malli huchachi pankakunata paktalla taripaykunata Johanna Moreira, kamachiy killkak rurashkata paktachishkata riksichirkakuna, ashtawanpash malli huchachi rikuchiku Eckenner Recalde yanapak runapakmanta chaskirka, paktalla llankaywan kati taripaykunapi huchachi pankata chayachishka paypak kamachiy killkak llankaykunamanta mana sumakta pacha paktachishkamanta, shinapash shukmanta kullkita washta chaskishka nishpa huchachinkuna kay 4 yupay 163 niki kamachiy awlli Kamachik (LOFL) achikllata llankaymanta willankuna.
