Allikak Minkashka Mamallakta Tantanakuy paktalla rikuykunawan katinkuna, huchachikunata churashkata Johanna Moreira kamachiy killkak churashka Eckenner Recalde kamachiy killkakpak shutipi churashkata, paypak llankaypi yanapakkunata kullkikunata washata hapishkamanta. Tukuy malli rikuykunapi, rantimanta rimaykunata chaskirkakuna.
Kamachiy killkak Johanna Moreira, tukuy huchachishka willay pankakunata chaskishpa kay punchakuna ñawinchikunata paktachishka, shinapash paktalla killka katishpa 166 niki inciso octavo Kamachiy Awlli Kamachikpi (LOFL) killkakatishpa paktachishkakuna.
Johanna Moreira paypak yuyaypi, Minkashka tantanakuy shuk llankaywillayta achiklla yuyaykunata churashpa Recalde kamachiy killkakta llankaymanta llukchinapak killkashpa, paypak llankaypi llakichishkamnta shinapash 163 niki 4 yuyay LOFL killkaypi katishpa paktachishka.
Kamachiy killkak nirka tukuy ñawinchikunata paktachi llankaypi hamutashka, kamachiy killkak Recalde Mamakamachik shinapash shuktak kamachiy rikuykunapi achkata llakichishkakuna, maypika kamachiy killkakpak mana llankay kashpaka nimamanta mana kullki hapi hushankunachu. “kunanka malli rikuykunapi alli rikushkami sakirin, kamachiy killkak kullkita hapishkakuna paywan kimirishpa llankakkunata surkushpa paypak shuk kuyurikuy tantanakuyta alli sinchisyachishpa katinapak kay Quito Kitipi, maypika chay willaykunawan hamutachirkakuna”, riksichirka.
Paypak manyamanta, Eckenner Recalde, kutinpash rimarka kay malli willay rikuchikunaka kamachiy killkak Moreira mana kullki mañashkata rikuchinchu. Chayamanta huchachishka pankakunapi churashpa rikuykunawan katikushkamanta hapishka huchachikunapi mana rikunata nirka. Shinapash maymutsuri kan williwilli llikapi rimaypa shinapash killkayta paktachishkata rikunapak rimankuna.
Allikak Minkashka tantanakuy pushak, José Chimbo, llankayñankunata rurankakuna llankaywillayta killkanapak nirka. Shamuk awaky punchapi kutishuk mushuk tantanakuyman kayanata riksichirka.
RSA/pv/gu-k
