Hatun tantanakuypi, ishkay chunka pichka kamachiy killkak aynikuykunawan tukuchirkakuna, Hunta rimanakuy Mamallakta Tantanakuy, 131 arinishka apuchikunawan kay Soberanía, Integración y Seguridad Integral Minkashka paktachishka llankaywillayta chaskirka, taripaykunata chikan chikan kamay wasikunapi llankakkuna, wichana wasikunapi achka llakikuna chayshina llaktayukkunapak manchachi ikaykunata tiyashkata allichinapak imashina makichuraykunata rurashkata rikunapak katinkuna.
Kay yuyaypi, imashina llakikunawan wichkana wasikunapi kawsay mamallaktapak shuk ñawpachimi kan, mana pitash llakichi kachañana aripaktachiy rikunami, tukuy runakuna wañuykuna tiyashka, Ecuador runakunapak mana kasilla chikan chikan llaktayukkunapak ikay hatun llaki ñankunapi chayshina ayllukunapak kawsaypi rikunkuna. Chaymanta, kamay wasikuna charin wichkarishka runakunapak kawsayta ashtawanpash llaktayukkunapak alli kawsayta mañaykunapi rikushpa kamanapak, Mamakamachik imashina rikuchishkapi rikushpa.
Tantanakuy Mamallaktapak tukuy kamay wasikunata minkankuna llankaywillayta churashkata, paktalla mishay llankaykunapi, utkalla ista mamallaktakunapi runa hayñikunapi paktalla katishpa shuk allichina llankaykunata kay wichkarishka runakunapak kawsaypi yanapachun mañankuna, shinapash llika sumakllankay utkachishka kamaywasikunapi wiñachinapak, mañaymashkay rikuchikunawan chayshina llankaykunata may alli paktachishpa, llaktayukkuna shinapash kamay wasikunamanta rikushpa llankayta paktachichun katin.
Tukuymanta, yallishka Sistema Nacional de Rehabilitación Social pushakta umpakun, utkalla llankayta, shuk paktana yuyay llankayta rurashpa runakunapak yuyayhuntakunata wichkana wasikunapi tiyashkata wichiman churanapak, tukuy llakikunamanta wichkashka runakuna (PPL) régimen penitenciario semiabierto paktachishka kay 698 niki Código Orgánico Integral Penal Kamachikpi killkakatishpa yanapanapak, chay hatun makay llakikunata uriyachinapak.
Chaymanta mutsurin Runapak Kamak kay Mecanismo Nacional de Prevención de la Tortura, Tratos Crueles, Inhumanos y Degradantes llankaykunata sinchiyachinapak, paktalla llankaykunawan kay Protocolo Facultativo de la Convención de Nacionales Unidas contra la Tortura rikushpa paktachinapak. Shinallatak, kay watakunapi tukuy wichkashka chayshina hatun llaki wañuykuna shinapash runakunapak hayñikunata paktalla katishpa kamanapak kallarichun rikunkuna, wakchakunata achka llakichishkakunata rikushpa katinkuna.
Chaymanta, tukuy Mamallaktapi kamay wasikuna Tantanakuy mañan, paktalla umpakuykunawan rurashkata, tukuy wañushkakunapak paykunapak ayllutapash llakichikunata rikushpa yanapay tiyachun.
Hatun Killkakamayuk llankaywillayta yallichinka, tukuy rikuchikunawan, Mamallakta Hatun Rikurayak sinchiyuyarikunwan, taripaykuna kallarichun chay punchakunapi rikushpa; Mamallakta pushak llankaykuna shina, Mamakamachiy Rikukwasi, Kamachik Tantanakuy, Mamallaktapak Paktakaywasi, Tukuylla Ukllak, Runapak Kamak, Consejos Nacionales de Igualdad shinallatak Llaktayuk Chaypikachun Rikurayak Tantanakuy wankurishpa llankachun.
EG/pv/gu-k
