Llankay wiñachik hatun paktaykunata yanapanapak, shamuk chillay 17 sisa killa, Mamallakta ayllu shinapash llaktayukkunapak chakrakamayuk katuyrantikunapak punkuta paskashpa llankachirka, maypika uchilla chakrakamayuk shinapash llankay wiñachik paykunapak kapukkunata kay takachakuna, makinchu, kampikuta kapuk, makiruraykuna, mikunayuyu, llakta hupyana hayak yaku, shunkata katuykuna yanaparkakuna.
Katuyranti llaktayukkunata chaskirka, achka runakuna Juan Montalvo pampaman yallirkakuna, tantanakuy wasiman kay pintukata katuykunata rikunapak shinapash llankay wiñachik chayshina ayllukunapak ashtawanpash llaktayukkunapak chakrakamayuk llankaykunata yanapanapak. Llankaypacha yallirka kullki llankay kutin sinchiyachi kay hatun unkuy Covid-19 llakichishkakuna paktalla chasninapak.
Mamallakta Tantanakuy pushak, Guadalupe Llori Abarca, kay tukuy tantanakuy wasiman tukuy chakrakamayuk shinapash uchilla murukunata tarpukkua, chikan chikan ishkay niki tantanakuy, llaktakunaka shinapash mamallaktayukkuna tukuy suyukunamanta alli shamuyta kurka. “Kay 80% mikuy murukuna tukuy Ecuador ayllukunaman chayankuna chikan chikan uchilla chakrakunapi llankakkunapak makimanta shamunkuna, paykunapak arpawan shinapash allishunkukaywan, tukuykunaman karan chayshina Pachamamata kamankuna”, riksichirka.
Chay yuyaymanta, Efraín Masaquiza, Salasaca llaktamanta minkashka, Tungurahua markamanta, Mamallakta Tantanakuy punkuta kallarirurak tawka murukunata kitipi kawsakkunaman riksichinapak maymutsurimi kan nirka, maypak murukunaka allikakmi mana chakllichik hampikunata churashkachu shinapash runakunapak kawsayta kamanapak nirka.
Paymanta, José Elías Chicaiza, Mamallakta Llaktayukkunapak Tantanakuy pushak, tukuy suyukunamanta achka kayaykunata chayachishkawan paykunapak murukunata riksichichun kayashkakuna. “Guadalupe Llori pushakta yupaychanchik, llaktamanta warmi kan shinapash maypi runakunata tarpuy chakrakunawan kawsakta riksin achkata makankuna murukunata surkunapak”, rimarka.
HC/pv/gu-k
