Lenin Moreno ñawpa Mamallakta pushakpak kay Ecuador mamallaktamanta anchurishkamanta manu punchakkuna tukurirka nishpa Hunta rimanakuy willarirka.

Martes, 23 de noviembre del 2021 - 22:10 Imprimir Elaborado por: Sala de prensa
Pleno del Legislativo declaró que feneció el plazo del expresidente Lenín Moreno para ausentarse del país

Hunta rimanakuy Mamallakta Tantanakuypi, 100 arinishka apuchikunawan, Lenin Moreno Mamallakta ñawpa pushakpak shuktak mamallaktapi sakirishpa katina yallishka 18 sisa killa 2021 watapi manu punchakunapi tukurishkamanta nishpa willarirka.

17 karway killa 2021 watapi minkashka yachay chayachishkapi rikushpa kay sinchiyuyarita arinirkakuna, Lenin moreno kimsa killakunata isla mamallaktaman yallinapak kay Guadalupe Llori Abarca, Mamallakta Tantanakuy pushakman shuk pankata chayachirka, paypak llankaymanta rayku shinapash ayllumanta anchurini nishpa chayachirka.

Chaymanta, kay 144 niki, kimsa yupay Mamakamachik chayshina 42 Kamachiy Awlli Kamachik rikushpa paktachirka, Mamallakta pushak, paypak llankaypi chayshina shuk wata washakama llankaymanta llukshishpa kawsakushkapi, punchakuna chayrak sirikpi, Mamallakta Tantanakuyman willachinami kan, imamanta kutishuk mamallaktaman yallikushkata rtiksichishpa willashpa llukshina kan.

Hunta rimanakuy nirka kay Mamallakta Tantanakuy Hatun Killkakamayuk, chay sinchiyuyari puyayta Mamallakta Llankayta Rikuk Wasiman chayachichun, 8 sitwa killa, 2021 wata, No. RL-2021-2023-010 sinchiyuyaripi llankaykunata rurashkata riksichichun nirka,  maypika taripay shinallatak kullkirikuytwan kamay chashnallatak mañaymashkay llaktayukkunaman kullki llankaywan achka llakikunata churashpa shamushkakuna, chaykunata kutichinapak kallarichun mañarka kay 2017-2021 Mamallakta Wiñariy Paktay Yuyay llankaykunata paktachishpa shamushkamanta. Chay yuyaywan Mamallakta Hatun Rikurayak sinchiyuyariy pankata chayachinkakuna.       

Tukuri pachapi, paktachinapak kay Organización de Estados Americanos (OEA) riksichun shinapash hamutachun Mamallakta Tantanakuy Hatun Killkamayuk, sinchiyuyariy puyayta chayachichun nirka.  

PV/gu-k

Av. 6 de Diciembre y Piedrahita · Teléfono: (593)2399 - 1000 | Quito · Ecuador