Awkikay, Tantarinakuy shinapash tukuypak Kamay minkashka tantanakuy, tantalla chuk uchilla minkashkata wiñachirka, Hunta rimanakuy Mamallakta Tantanakuy minkashkata paktachishpa katikushkata rikuchun, kay Mamallaktapi llaki kawsay wichkana wasipi yallikushkata rikunapak katinkuna.
Kay uchilla minkashka tantanakuyman Jorge Pinto, Patricia Núñez, Rodrigo Fajardo y Geraldine Weber kamachiy killkakkuna wankurishkakunami kan. Kay kamachik tantanakuy Hunta rimanakuy minkashkaman chayachinkakuna shuk rikuchiy yachayñan chayshina shuk hatun llankayñankunata chay washa minkashkakunapi katishpa paktachinkakuna.
Kamachiy killkak Ramiro Narváez, minkashka tantanakuymanta pushak, kay wankuri llankayka shuk hatun taripay llankaykunami wichana wasikunamanta rikushpa paktachina nirkakuna, chay tiksimanta wankuri kamay wasikuna tawka rimaykunata rikurka.
Shinapash 55 tantachik yuyaykuna chayshina minkashkakunata yallichishkakuna, kashna tukuykunapi rikushpa tantachinapi, tukuy wichakarishkakuna ima paki llakichikuna tiyashkapi rikushpa rakinapak, chikan chikan wankuri kamay wasikunawan achiklla llankayta sinchiyachishpa apanapak wichkana wasita allichina, shuktak rikchaykuna.
Paymanta, Patricia Núñez, huchayaykunata alli paktachinapak nirka, maypika Mamallaktapi wichakana wasi chimpapuraykunata Hunta rimanakuypi arnishkata paktalla katiranapak riman. Shuktak minkashka tantanakuykunata, Mamakamachiy Paktachiy chayshina Paktakaytapash, tantarishpa sinchi llankay minkashkata hatun paktayta ruranapak nirka.
Awkakanlla runakunapak kamachik
Shuk iñupi, minkashka tantanakuy kay Asti Awka Runakuna Kamachik ñawpak yuyaykunata hamutashpa paktalla katinkuna. Kay tanatanakuypi Mamallakta Harkay Kamaywasi minkashkakuna aynirkakuna, chay rikuchikunamanta paykunapak rimaykunata riksichirka. Kunan kay ñawinchikunapi paktalla wankuri yachay kallpaywan kashna Asti Awka Runakunapak kamay wasimanta rimarkakuna.
HC/pv/gu-k
