Hunta rimanakuy Mamallakta Tantanakuy kay Chukikamay Kamachik mushukyachi ñawpak yuyay kallari shuk niki chimpapuraykunawan kallarirkakuna. Kay rikuchikuna mamallakta wiñariy apaykunata sinchiyachinapak nirka, kay chukikamayta tukuy kamay wasikuna, runakuna, kullkikuna, satalliruraykuna pachamamayak paktachikunamanta, Washington Varela, Tawkasami Kawsay Minkashka pushak riksichirka.
Kamachiy killkak chukikamay llankay tukuy pacha kullki llankay wiñariy, waki, llaktakunapak kawsaykunapi tantachishka tiyashka nirka. Kay Mamallakta shuk chikan kawsaypi ishaky ñawikunapi tiyashka: shukkunaka chukikamay paktachikta maskan, utkalla satallichak shinapash awki kamachik llankayta paktachinapak shinapash mamallakta, tukuykunapak llankayta mushukrin, kay kashna kawanayay, yachay, mushukyachi pachamama hayñikunata kamanapak, chaymanta chikan chikan kamay wasikunamanta achiklla llankayta kamachikpi katishpa millay llakikunata makanapak achiklla sachaurkukunata paktachishpa allichishpa rikuchichunkuna.
Varela nirka kay Minkashka llaktapi tantanakuyta rimankuna. 150 runakunata tukuy kamay wasikuna, shukpalla, waki, yachaymanta, satallichak shinapash urkukamayukkunata chaskirkakuna, chawpiyak kamay wasikunamanta chikan chikan pushakkuna, paykunawan tantarishpa chukikamay shinapash umachik rikuykunapi paktalla ñawinchikunata rurashpa shamunkuna.
Kay llankawillay kallari shuk niki chimpapurayta tukuy kamay wasikunata rikuypak paktachin nirka, Mamallakta kamay shinapash chukikamay llankaypi rikuy paktalla achikllay, sumakllankay willay chaski hayñi, ayninakuy shinapash ñawparashpa llaktakuna, kawsaymarka runakuna, yanarunakuna, yurak runakunata tapuyta sinchiyachi.
Chimpapuray
Kamachiy killkakkuna tukuy llaktaypura tiyarikuna riksichirka, Chukikamay Kamachik mushukyachinapak maymutsuri kan, chuya, charirayay shinapash aripaktachik mamapachawan paktachun, mamallaktapak llankaykunata wiñarikunapak llankankuna.
Yallishka watakunapi chukikamay tukyachichun arinishkata ashtawanpash kay llankayta rikunapak yuyarin, kay pachakama chay llakikunata wallpata charin allichishkami kanka nirkakuna. Tukuy rikuy kamay wasikunapi llankakkunata mana charishkata rimarkakuna. Chukikamay mana alli kashkamanta tukuy hillaykunata kichushkata kitillikunaman shinpash kitikunaman tikrachichun mañankuna; ashtawanpash, tukuy chukikamay arinishka pankakunata allilla rikunapak mañankuna, chay manyakunapi mana llakichikunata rurachun nishkatapash rikunkakuna.
Tukuymanta, chukikamayta kullkiwan yanapay kay urkukunapi llukchishkapi llaktayukkunapak sakirina nirkakuna, llaktapi mutsurikunapi rikushpa llankachun, chaypi kawsakkunata llankaypak hapichun. Chukikamay satallichak aripaktachik mutsurikunapi rurachun tukuy chay yuyaywan arinirka aman milkapankata manyaman churashpa llakichichun. Chukikamay llankay wiñarikunaka llakta ayninakywan shinapash ayllullakta runakunawan shukshinalla makichurashpa paktachinapak sacha urkukunata kamashpa chukikamay mana alli llankayka tukuy muyunti ayllullankakunata llakichikushkami nirka.
Shuktak iñikunata chimpapuraykunapi wankurin, tukuy llaktakunapi chukikamay sinchita pacha llakichishkakuna, llakta chikikamaypi llankakkunata rikushpa allichina, uchilla chikukamay, llika pankakunapi killkashpa, pachamama hayñipi katishpa chukikamay llankayta tukuy kamay wasikunamanta rikushpa sinchiyachinapak.
Kipaman shuktak iñukuna harkashka sakirirka shinapash shamuk punchakunapi hunta rimanakuywan kallarinkapak kayankakuna.
JLVN/pv/gu-k
