Mamallakta Tantanakuy, 132 airnishka apuchikunawan, Víctor Anchundia, Hatun Hamutachik Kamaywasi Chani chashnallatak Ikayta mana atishpalla chayshina shitarkakuna, llaktay ñawinchimanta katishkakuna kay kamachiy killakkuna Ricardo Vanegas, Luis Almeida mana alli llankaykunata paktachishka Mamakamachik shinapash kamachikpi katishpa allichikuna.
Sinchiyuyari killkaykunata utkalla Llankay Kamaywasiman willashka pankata chayachinapak rikun, Anchundia shutita llika pankapi ama ima llankayta ruray rurachun churanka ishkay watakunata nima llankayta ama ruray ushachun.
Tukuymanta, tukuy pankakunapi rikushpa paktachishkata Mamallakta Hatun Rikurayak wasiman chayachinka, maypika taripaykunata paskashpa paktalla mushuk rikuykunawan katichun tukuy pushakkunapak rimaykunata kay Instituto de Seguridad Social de la Policía (ISSPOL) kamay wasimanta, llankaykunapi llakichishka nirkakuna. Chaymanta, chay tantachishka pankakunata Mamallakta Llankayta Rikuk wasiman chayachinka, llankaykunapi shuktak paktachishkakunata akllashka taripaykunawan kallarichun, chayshina, Servicio de Rentas Internas (SRI) kullki chaski wasi, manukullki paktachikunata rikuchun chashnallatak shuktak llakikuna wakllichishkamanta hamutachun rimankuna.
Paypak rimaypi, huchachikunata churashpa katikuna kutinpash mana alli llankaykunata paktachishkamanta katinkuna kay 78 niki Orgánico Monetario y Financiero kamachik killkaypi rikushpa llakichishka nirkakuna, Hatun Hamutachik kamaywasi, chani, Ikayman paktachishka achiklla rikuy, kullkirikuy, ruray, allichik, rikuy, chani katuy katichun, Ikay Manukullkikunamanta, mana manu kullki ashtawapash shukpalla, hayñi kamachiy runatapash, kay killkaykuna paktachishpa katichun tiyankami shukutin tikrachishka hawa kay hatun Kamaywasi Kamachik, Katuy Chanikuna Kamachik, Hatun Ikay Kamachik, Kullkiranti, Paktalla Rikuy Kamachik kay Junta de Política y Regulación Monetaria y Financiera chayachishkakunata tikrachichun.
Chaymanta, kashna Instituto de Seguridad Social de la Policía (ISSPOL) kamay wasipi tiyashka llakikunata kutinpash nirka, mana kullkillachu kan, ashtawan alli yuyaypish kanmi nirka. Tukuymanta, 990 hunu dólares kullkikunatami llaki llankaykunapi tikuchirka nirka, kunan mana quirografarios, hipotecarios kullki mañayta ushanchu, shinapash shuktak alli pacha chaskikunatapash, kamay wasipi mana kullki tiyashkamanta kay llakikuna katin.
Paypak manyamanta, Víctor Anchundia, yuyarin kay llakikunata kallarirka manarak paypak llankayta Hatun Hamutachik Kamaywasita hapikpi ñami tiyashka kay ISSPOL llankay wasipi nirka, kamaywasika mana rikuy paktachi kan, ashtawankari Kullkillankayta Rikuk wasimi katik kan nirkakuna. 20 karwa killa 2020 watapi shuktak llankaykuna wankurirka kashna Mamallakta Hatun Rikurayak hatun huchachikuna chayarkakuna, kay pachakama chaypi katinkuna.
Chay chimpapuraykunapi chusku kamachiy killkakkuna aynirkakuna, tukuy rimaykunata tiyashkamanta rimarkakuna shinapash maymanta chayamushka pankakunata llaktay ñawinchi ruraypak chayachirka. Kamachiy killkak Nathalie Viteri yanaparka kay Anchundia mana huchayayta charirkachu, chaymanta mana apuchirka.
EG/pv/gu-k
