Yachay, Kawsay, Amawtay, Sumakllankay, Mushukyachi chayshina Kallariy Yachay Minkashka tantanakuy, tukuylla tantirishpa arinirkakuna kay Simón Cueva, Kullkiyay Wasikamayukta tantanakuyman kayanapak arinirkakuna, maypika Mamallakta Yachay Wasikunapi chikan chikan yachachikunaman killa paktapi kullki yallichikunata wichiyachishpa tikrachinapak riksichichun kayankakuna, Ecuador Mamakamachiy Rikukwasi pankapi arinishpa paktachishkakuna.
Minkashka tantanakuy pushak, Manuel Medina, minkashka yachay pankata kay manu punchakunapi Mamakamachiy Rikukwasi churashkakunapi rikushpa paktachinkuna, kamay wasimanta llankaywillayta kullkiyay satallichak rurashkakuna, tukuy yachachikkunaman kullkikunata paykunapak llankaymanta wichiyachichun Mamakamachiy Rikukwasi chayachishka, alli rikushpa paktachishpa, ima mutsurikuna tiyashkapi chay washa rikushpa rurachun, tantachik yuyaykuna, umpakuykuna tiyachun Yachay kamay wasiyuk kipa pushakashtawanpash Mamallakta Yachay Kamaywasiyukmanta pankakata arinishpa killkashpa tiyachun mañankuna.
Kay Manuel Medina, Isabel Enríquez, Darwin Pereira, Ana María Raffo, Kamachiy killkakkuna Yachay Kamaywasiyuk rikuchikunata chayachishkamanta mana alli kashkata rimarkakuna, chaymanta kay kamaywasiyuk Cueva runamanta shuktak minkashkakunata chimpapuraykunamana Yachachik tantanakuykunamanta Consejo Directivo del Instituto Ecuatoriano de Seguridad Social (IESS) chayamuchun mañankuna.
“Yachayta llakichishkakuna, kay pachapi alli kan Mamallakta Tantanakuy shuk kamayta churachun kashna hatun llakikunata”, kamachiy killkak, Isabel Enrríquez riksichirka.
Paypak manyanamanta, kamachiy killkakkuna, Rocío Guanoluisa, Mariuxi Sánchez, Diego Esparza, mañashka aspishka pankatamanta rimarirka maypika riksichin kay “Mana kullkikuna tiyan kullkiyaykunata killapak chaskipak wichiyachichun mamakamachikpi paktachishpa watapak kay 0.5% PIB, kullki wichiyachi”, llakichinkakuna kashna Allikay Kamay Wasi, Harkay, Llakta tantanchi kullkiwan yanapaykuna mana rikurin kay ñawpak yuyay kamachik paktachinapak.
Paykunapak rimaykunapi charikakuna kay mañay pankakunata hatun llaki katin kay yachay llaktakunaman, Mamallakta pushkamanta mana alli shunku yanapanapak tiyan yachaykunata maypika Mamakamachiy Rikukwasi shuk allichishpa pankata chayachishka nirkakuna.
KC/pv/gu-k
