Soberanía, Integración y Seguridad Integral Minkashka tantanakuy, Aywa Wiñariy Kamachik mushukyachinapak tukuy llaktayukkuna chashnallatak yachayukkuna ayninakuywan ñawpak yuyay yachaykunawa katinkuna. Kay pachapi Cecilia Medina, GTZ Ecuador taripak rimayta uyarkakuna.
Minkashka tantanakuyta pushak, Ramiro Narváez, llaki kamay millaykunata tukuy pachakunapi tinkirishpa paktaraki mana alli chayshina llankaypacha wakllirishkamanta rimarkakuna, Kullki llankay kutin sinchiyachikunata saywakuna may mutsuri kan Mamallaktapak kamayta allichishpa katinapak.
Chaymanta, kamachik mushuk yuyaykunata churashpa katinapak mutsurin, chay kipamana maymtsurikuna chikan chikan llaktayukkunapak rikuchikuna hapishpa uyashpa kay kamachik allichinapak katinkuna.
Paypak manyamanta, kamachiy killkak Pedro Velasco, ishkay mamallaktamanta wankurishpa rantimanta saywakunata allichishpa paktachishpa katinata rimankuna. Chay ñawpak yuyaypi ishkay mamallaktakunamanta tukuy kamay wasikuna tukuy llankaykunapi sinchiyachishpa katinapaka makichuraykuna tiyana kan nishpa mañankuna, llika pankakunapi rikushpa ama ima llakikuna tiyachun.
Paypak rimaykunapi Cecilia Medina kamachik alli rikushpa llankaypi apanapak rikuypak rimankuna, saywa manyakunapi markakunata wiñachishpa katinapak, chayshina, ayllutakunapura wankurishpa, kasillakawsay allpa saywakuna paktalla tiyachun.
Tukuriy pachapi, Kamay Minkashka tantanakuy pushak, Ramiro Narváez, kamachiy killkakkuna shinapash yachayukkunata chikan chikan yuyaykunata churashkamanta yupaycharkakuna, maypika Saywa Wiñariy Kamachik ruranapak hatun yuyaykuna allimi kanka nishpa rimankuna.
ES/pv/gu-k
