Karupi Kikinllatak Kamachik, Chaymanyachishka, Mishanakuykuna, Llakta Tantanakuy Minkashka, kay chaska puncha tantanakurka, Llakta Tantanakuy, Kikinyay, Chaymanyachishka Kamachikta mushukyachinapak ñawpak yuyay rimaykunata riksichirkakuna, kamachiy killkak Yeseña Guamaní, Mamallakta Tantanakuy kipa pushak yuyayta chayachishka.
Yeseña Guamaní kay kamachik hapin shinalaya llaktayukkunapak llankayta hapin tukuy Gobiernos Autónomos Descentralizados (GAD) chikan chikan pushakkunapak llankaykunata paktalla rikurin, llankay shinapash llakta kamay paktachi chayllapi harkashpa churashkata yallichinapak rikun.
“Kamachiy killkakmanta llaktakunapi imashina kashkata riksichishkani, chay yuyaymanta kamachik mushukyachinapak shuk yuyayta chayachishkani, llakta kamay rimaypi, kiti wiwakamay, llakta kamaykunapi rikushpa yanapachun, rikuy allpapachata ukllay” Guamaní riksichirka.
Llakta kamay allichi rikuykunapi katishpa mushukyachinapak, shuk llankayñan kiti llaktaykunata tiyachun mañan, chayshina hatun kullkikunata achiklla rikushpa shinallatak GAD uchilla wallpakunata hayllikunata chaskishpa allichinapak riman.
Ishkay niki rikuchikuna wiwakamay kiti ukupi yurakunata tarpuy, maypika 190 punchakunata Tiki Uku pushak charin shuk kamachikkunata tukuy yurakunata shinapash wiwakunatapash kamanapak rikun.
Minkashka tantanakuypi chaskirka Jhonny Pincay Portoviejo kitikunak apakpak yuyayta chaskirka, kay COOTAD kamachikta mushukyachinapak kay ñawpak yuyaykunata, alli pushkkunata llankaykunata apachun GAD mishnakuy llankaykuna achiklla tiyachun.
Kitikunak rimaypak, kay ñawpak yuyay tawka chushak kamachikta charin rikushpa allichina nirka. Chay rikuchikunapi alli rikushpa killkaykunapi rikuchichun kariwarmikuna llukshishpa pushak llankaykunapi akllashpa churachun; kati kipa pushakta paktachunata riksichichun; Allikak Kamachik tantachi kay tukuchi pachapi 180 punchamanta 90 punchakama uriyachichun Kawsaypacha Kamaywasiyuk wasiman tikrachishpa kay allpa shinapash ima charishkakunata llika pankakunapi churachun
Kamachiy killkak, Marlon Cadena, tukuy kamay wasi ukupi runakunapak llankayta ñawinchiy mañaymashkayta paktachichun rimankuna, Llaktakamaywasi Hunta rimanakuy tukuy huchachishkakunata paskashpa yallichichun rimankuna, maypika llankakkunapak achiklla llankaykunata rikuchishpa, chaymanta kiti kamay wasi pushakllami mayhakunata llankaykunapi churayta ushankuna nishpa rimankuna.
KC/pv/gu-k
