Mamallakta Tantanakuy, paktalla kallari tantanakuy No. 744 Hunta rimanakuy, 104 arinishka apuchikunawan, kay María Fernanda Racines, Diego Lucero Villarreal, Tukuy Mamallakta Akllaykamayukkunata akllashpa mushukyachinapak Llakta minkashka wankurikunaman churarka, kashna paktalla rikuchina ishkay pata 209 niki Ecuador Mamakamachik killkakatishpa paktachirkakuna.
Imashina kamachik rikuchishkapi, llakta minkashkakuna wankurinkakuna Mamallakta pushkamanta shuk akllashka, chikan chikan ishkay niki tantanakuymanta shuk minkashkata akllashka, tukuy pipchaykunapi akllayta rurashpa mayhankuna chay llankayta paktachinapak yaykusha nikkunaka shuktak mañashka pankakunata paktashpami yaykuyta ushankuna, Llakta Ayninakuy shinapash Waki Rikuy Kamay wasi kamachikpi rikushpa pankakunata chayachishka. Mishanakuyman yaykukkuna tukuykuna rikushpa apuchikunawan akllashpa sitachun yallinkuna, llakatyukkuna huchachishpa sitankakuna. Minkashkakuna llaktakunapak chayachishka tiyankakuna, shuk yalli apuchikunata charinkuna, chay tantanakuy tukuykunaman riksichishka tiyankakuna.
María Fernanda Racines, yachayta tukuchishka kanmi magíster kay Ista Fiscalidad, Sumak Hatun Yachana Wasi Rioja; Magíster Hayñipi, Sumak Hatun Yachana Wasi Andina Simón Bolívar; yachayllak Sumak Hatun Yachay Manukullki chayshina Kamachik Tribunales y Juzgados de la República yachaykunapi paktachishka kan.
Chaymanta, Diego Lucero Villarreal, kamachik kan shinapash Licenciado en Ciencias Jurídicas y Sociales Sumak Hatun Yachana Wasi Católica del Ecuador; Mamallakta Tantanakuy wasipi llankakkuna 23 watakunamanta, kamachik tantanakuy wasipi kimirishpa llankashpa yachayuk kan, minkashka tantanakuypak killkakamayuk; Llakta Yanapay y Llankakkunapak Wiñariy pushak; Runayuyayhunta kamay ukumanta pushak; chashnallatak, Mamallakta Tantanakuy kamachik wankurikunapi Hatun Killkakamay uku kamachiy satallichak kan.
Mamallakta Tantanakuypak minkashkakunata akllashka, kimsa chunka punchakunapi paktachirka, katishpa kay 11 niki Llakta minkashka uchilla kamchikunapi killkakatishpa paktachirka.
EG/pv/gu-k
