“Shuk sumakchimi kan Mamallakta Tantanakuypak shuk shina tiyashpa medallistas mamallaktata alli rikuchishpa katichun, may alli unanchakillkakunata Mamallatakta Tantanakuy karayta tukuy mishakkunaman chayshina Ecuador llaktayukkunamanpash ushankuna ashtawanpash kamachiy aripaktachi, tukuy alli kawsaypak mutsurikunapak”, Guadalupe Llori Abarca, Mamallakta Tantanakuy pushak riksichirka, kay Olímpicos y Paralímpicos Tokio 2020 pukllayta mishashkakunaman unanchakillkakunata yallichiy pachakunapi riksichirka.
Paypak rimaynakuypi, shinapash Pukllay Kamachik ñawpak yuyayta chayachirka, chikan chikan llaktaypura tiyarikunapak ayninakuyta chaskirkakuna, ashtawanpash kay Pukllay, Allikay, Kullkikay, Llankay, Senescyt chayshina Consejo de Educación Superior minkashkakunata chaskirka. “Ñuka shiminishkata paktachikunchik pukllyta chayshina mamallakta mishak pukllakkunaman makichuranchik, kay ñawpak yuyaykunata killkanchik kay Glorias del Deporte Ecuatoriano (GLODEC) makimanta hapishpa kikinkunawan kuyashka pukllakkuna”, Guadalupe Llori Nirka.
Chaymanta, kay rikuchiy kamachik tukuy pukllakkuna, sumak hatun yacahana wasi, llankay chayshina llaktaykunapak hayñikunata kamanapak maskan. Paktalla kay rikuykunapi, Mamallakta pushak hatun sinchiy pukllaykunata pakta pakta yachaykunapi achiklla llankaykunawan katinapak pakllakkunapak yachay, kullkiyanapay, kullki mutsurikunapi makichuray, shinapash shuktak ushaykunapipash wiñachinata rimankuna; chayshina llankaykunapi rimashpapash, llanktayukkunaman kamay, llankay wiñachikunata, llankakkunapak hayñikunata kamanapak pukllaykunata ushaypi sinchiyachinapak rimankuna; tukuy pukllakkunaman hampina murukunata karaykunata kamachikkunapi churashpa makichuray tiyachun.
Paypak manyamanta, Darwin Castro, paralímpico pukllak, Mamallakta Tantanakuy yanapaykunata paktachishkamanta chayshina Olímpicos de Tokio 2020 pukllaykunapi wankurishpa yanapashkamanta yupaycharkakuna. Shinallatak kay Kamachik Tantanakuykunata mushuk Pukllay Kamachik hanka pukllakkunata yanapachun, shinallatak paktachina wasikunata rikushpa allichichun mañankuna. Chay uñullapi, kay Comité Paralímpico Ecuatoriano, shuk unanchakillkakunata Guadalupe Llori, Mamallakta Tantanakuy pushakman kurka, kay Mamallakta paralímpico, sordolímpico pukllaykunaman paypak arininakuyta paktachishkamanta.
Christian Sánchez, GLODEC pushak, shuk rikuchiyta kamachik ruraypak chayachirka shinapsh nirka kamachiy killkakkunata shuk kamachik tukuy pukllakkunata, chikan chikan llakta pukllaykunata yanapachun arinishpa makichurachun rimankuna. “Mana shuk hatun sumanchay tiyanchu kay kamachikta makichurashpa kay satallichak rimaywan arininapak kamachik tantanakuy llankaykunata paktachinkuna”, GLODEC minkashka riksichirka.
Mamallakta Tantanakuy pushak, Consejo de Administración Legislativa (CAL) minkashkakunawan wankurishpa chayshina chikan chikan kamachiy killkakkuna, kamachiy killkakkunapak condecoraciones arininakuyta Olímpicos, Paralímpicos Tokio 2020 pukllay mishashkakunata chayachirka.
KC/pv/gu-k
Más fotografías:
