Mamallakta Tantanakuyka llankakkunapak, kamachi killkakkunapak, wasiman chayakkunapak kawsayta ukllanapak ruraykunata churan

Mamallakta Tantanakuyka llankakkunapak, kamachi killkakkunapak, wasiman chayakkunapak kawsayta ukllanapak ruraykunata churan

Mamallakta Tantanakuyta pushak, Guadalupe Llori Abarca, Consejo de Administración Legislativa (CAL) tantanakuy pushakkunawan, Llaktaywankuri pushakkunawanpash rimanakushpa, Mamallakta Tantanakuypak killkakakamayukta, pushakkunatapashmi, kay Resoluciones del Consejo de Administración Legislativa CAL-2021-2023-011 de 20 de junio de 2021 y CAL-2021-2023-0129 de 04 de octubre de 2021 yuyarinakushka killkata katishpa, ashalla pachakunapak, Llaktapak COE tantanakuy mañashkamanta kay yuyarinakushta katichun mañarka, kay wasipika tukuykuna paktanamanta 50% paktsaklla chayanapak, shinami kamachi ayllikunapak, kamachi killkakkunapak, shinallatak Mamallakta Tantanakuyman chayakkunapakpash kawsay ukllanata sumaychanka.

Chaypakka, 03 punchamanta 10 punchakama kullka killa 2022 watapi Mamallakta Tantanakuypak Tukuykuna rimanakuy, Consejo de Administración Legislativa wankuripak shinallatak Akllashka Minkarishkakunapak rimanakuypash llikapankapilla paktachunmi yuyarirkakuna. Rikuchishka pachakuna ukupika, Kamachi Killkakkunami payta yanapak ayllukuna llankanataka imashinalla paktanata yuyarinka, ayllukunapak kawsayta ukllarashpami rikunka, nirkami.

Kay rimanakuypika yuyarirkakunapashmi, rikuchishka pachakuna ukupika, Mamallakta Tantanakuypi llankakkunapash, ashtawankarin wakllirinalla runakuna, COVID-19 unkuypi wakllirinalla ayllukuna shinallatak manarak ishkay kutin hampi churashka llankak ayllukunapash llikapankapilla llankachunkuna. Wankuri pushakkuna, tantarita rikukkunami asha ashalla ayllkuna llankay wasiman chayachun rikuranka, nirka.

Shinallatak, llikapankapi llankay 03 punchamanta 10 punchakama kullka killa 2022 wata ukupi paktarikukpika, Mamallakta Tantanakuyman kamachi killkakkuna shinallatak yanapak llankakkunapash, PCR negativa rikuchik taripashka pankatami rikuchina kan, nin.

Kayshina yuyarishkata paktachinapakka:

• Kamachi Awllikuna, llankakkunapash payunapak zirmachaskimanta COVID-19 unkuyta charishkapaka seguridad.higiene@asambeanacional.gob.ec zirmachaskiman willachina, shinallatak paykunapak wasi ayllukuna unkushka kakpipash willanami kan.
• Unkuy charikta willashkakuna, COVID-19 positivo charik ayllukuna, unkushkawan chimpapura rikurikkuna shinallatak unkurikukkunapash, muyuntik rikuraypimi kimirina kan shinallatak chikanyachishkami paktarinka, shinallatak llankaypash llikapankapi paktanka.
• Shimikatanata pakta pakta tukuy pachapi churana, rimanakuykunapi shinallatak llaktayukman willachiykunapipash.
• Chay pachallatakmi pushakkunaka kimsa kutin churanapak hampita mañay kallarinka, Ministerio de Salud Pública tantanakuy paktanapak pachakuna churashkata rikurashpa.
• Mamallakta Tantanakuypi Chapakkunami 50% patsakmanta chaypikanata rikurashpa paktachichinka, patahawayachik ukupipashmi rikunka. Chaypakka, riksichik willay killkakunatapashmi mushukyachishpa allichinka.
• Kamachi Awlli wasimana chayamuk tukuy ayllukunatapash hampi churashka rikuchik pankata mañanka, kay Quito llaktapi shinallatak Casas Legislativas wasikuna llankakuk kitikunapipash.

PV/cgc-k