Kay Ley de Vivienda de Interés Social kamachiy rurana killkatami ishkay niki rimanakuypi kay kullka puncha, 09h30 pacha tutamanta Mamallakta Tantanakuypi riksinkakuna. Kay kamachiy rurana kilkami Kamachiy Awlli llankanapak ishkay niki hatun yuyay ukupi "Kullkillankaymanta, ruray llankaymanta, llankay wiñachinamanta, llankakpak hayñikunamanta shinallatak seguridad social yanapaymantapash" rikunapak churashka kan.
Kay rimanakuypak killkataka Gobiernos Autónomos Minkarishkami allichirka, kamachiy rurana killkata kallaripika tawpa llankay wasi pushakkunawan, wasichik wakurikunawan, kitipi wankurikunawan, llaktapi chikanyashpa pushakkunawan, runa ayllu llaktakunawan, Ministro de Vivienda pushakwan, Yachakkunawan, ista llakta tantanakuykunawan, llaktayuk wankurikunawanmi rimanakurka, kay kamachiy ruranapak paykuna yuyashka mutsushkatami chayachirkakuna. Tukuy rimanakuymanta 149 yuyay chayachishkatami chaskirka.
Kamachiy rurana killkawanka kawsanapak wasikuna illashkata yanapanka, wasikunapi achkapura kichkiyashpa llaki kawsakukta ashayachinka, wasikuna alli alli ruranapak, kawsanapak mutsushka yanapayta chayachinapak shinallatak maypi maypipash kawsanapak tiyarishkata harkanapakmi yanapanka, .
Shinallatak llaktayukkunapak kawsana wasi paktanata shinallatak imalla mañaykunata ashayachinapakmi yanapanka. Chashnallatak, kawsana wasita tawkapura mañashpa kawsanapak katipika rantinata kallarinapakpashmi rikunka, wasita mana charina paktak ayllukunaka kayshina yanapaywan kikin wasita charina ushanka.
PV/cg-kch
