131 ari apushitaywan, Mamallakta Tantanakuypi kay Mamakuchapi Llankanapak 2006 yuyarinakushka killkata kutinpash arinirkakuna, shinallatak paktanapakka alli llankay charinata, pakta pakta llankaypi chayanata, purikushpa llankaypash alli alli kanata, mamakuchapi llankakkunapak kawsay ukllanatapashmi churashkakan.
Yuyaykunata, hayñikunata, mutsushka hatun kallari yuyaykuna kipaka, kay yuyarinakushka killkaka Ista Llaktawan yuyarinakushka tawka killkakunapak yuyaykunawanmi paktarin, hastawankarin kay Convenio sobre el Trabajo Forzoso, Convenio sobre Igualdad de Remuneración, Convenio sobre Discriminación y el Convenio sobre las Peores Formas de Trabajo infantil kamachiy killkakunawanpash yuyaypaktarin.
Wampuk antakuna mishanakushpa llankayta harkanapak shinallatak llaktapi mamakuchata rikunapak pushakta kallarichin, shinallatak Ecuador llaktaman wampuk antakunapi chayamuk runakunapak llankaytapash sumaychan.
Elías Jachero kamachi killkak, kamachi rurana killkata riksichik runa, Kay Relaciones Internacionales Minkarishkaman, Ministerio de Relaciones Exteriores y Defensa Nacional llankaywasi pushak, shinallatak yachakkunapashmi rimanaman chayamurka, paykunaka tantarishpami shuk yuyayllapi kay Yurarinakushka killkata kutin arinishpaka mamakuchapi llankak ayllukuna pakta yanapachumi rikuranka, nirka.
Ashtawan nirkapashmi kay hillayka mamakuchapi pakta llankay tiyanatami sumaychanka shinallatak tukuykuna pakta pakta llankay charinatapashmi rikuranka, wampukanta purichikkuna shinallatak kaypi llankakkunapash tukuy ista llaktakunapi pakta kamachiyta charichunmi rikuranka.
Kay Ista llakta hillayka Derecho Marítimo Internacional chusku yuyaymanta shukmi kan, shinallatak mamallaktapash ista llaktakunawan mintalay llankayta pakta charinapak yanapakmi, mamakuchapi llankak ayllukunapak llankayta rikuk kamachiywan ista llaktakunawan pakta pakta llankay charinatami rikuranka..
Fredy Rojas, Pedro Zapata shinallatak Luis Almeida kamachi killkakkuna kay istallaktawan yuyarinakushka killkata kutin arininapak kimirishpaka nirkami, kay kamachiyka wampuk antakunata shinallatak kaypi llankakkunapash chikanyashpa chimpapuray llankayta ama charichunmi harkanka, ashtawankarin mamakucha rikuk pushayta kallarichishpaka Ecuador llaktaman ista llaktamanta chayamuk wampuk antakunata, shinallatak kaypi llankak ayllukunatami rikuranka.
KC/pv/cg-kch
