Mamallakta Tantanakuypi, 09H30 pacha tutamantami kay Código Orgánico de la Economía Social de los Conocimientos, Creatividad e Innovación (Código Ingenios) kamachiy mushukyachina killkata llakta pushak allichinaman kachashkata rimanakuy kallarirka.
Kay rimanakuyta kallariypika, Kamachi Awllita pushak, Guadalupe Llori Abarca nirkami, Mamallakta Tantanakuypika Ecuador llakta ayllukunata yanapak kamachiytami arininchik. "Mamallakta Tantanakuypika wamrarak yachakuk ayllukuna kullki mañashpa kutichinapak llakita chariktami yanapakunchik, paykunaka yachanapak kullkita mañashpami manarak kutichiy ushashka, kay llaki pachakunapika nimayhan mana wanachishka kana kanchu" nirkami., .
Kay kamachiyka yachakuktami pakta yanapan, shinallatak yachanapak kullki mañakkuna ima llakimantapash kutichinata mana ushashka kakpi, yuyaypaktarishkawan killan killan mañashka kullkita kutichinata mana ushakukkpipash yanapaka, taripay kamayman manarak yaykurishpa.
PV/cg-k
