"Kamachiyta kutinpash arinishka shuk mishaymi kan, yachanapak kullki mañashkata kutichinata charik ayllukunallapak mana kanchu, ashtawanpash paykunapak churikunata yachanapak yanapay chaskik waranka waranka ayllukuna". Shinami María Teresa Galarza, (ABREC) Ecuador llaktapi Yachanata Kullkimañakkuna Tantanakuyta kipa pushak, Mamallakta Tantanakuy kay kullka puncha, kay Código Orgánico de la Economía Social de los Conocimientos, Creatividad e Innovación (Código Ingenios) kamachi mushukyachina killkata arinishkamanta.
Kay yuyayman Karla Rodriguez, ABREC tantanakuyta pushakpash kimirirka, kamachiyka kullki kutichina charikkunatami pakta yanapan shinallatak régimen especial killkata kullkita pakta kutichinapak wiñachin, shinami 9 waranka yalli yachanapak kullki mañakkuna yanaparinka paykunaka yuyarinakushka killkatami tawka watakunata mana allichiy ushashkakuna. .
Carlos Jaramillo runa, Colectivos de Afectados por Créditos Educativos tantanakuyta pushak, kamachiyta kutinpash arinishkawan, kay shina, kallaripi kullkita chayachinata anchuchirka, kullki kutichinapak yanapayta chayachichun shinallatak kullki kutichina kipayashka pachakunatapash mirachichun.
"Kay Código Ingenios kamachiyka yachanapak kullki mañak ayllukunata shinallatak yachanapak kullki mutsukkunata yanapan, pandemia unkuywanka ashtawan sinchiyarka", kashnami Jaramillo runa nirka.
Yanaparikkunaka Mamallakta Tantanakuy llankashkata riksirirka, paykunaka yachanapak kullkita mañak ayllukunapak alli kawsaypi yuyashpami llankakun shinami yachayta paktashpa Ecuador llaktapak kullki llankayman kimirishun.
"Kamachiy Awllimanta yachakukkunata yanapanchik, yachanapak kullki mañashkata mana kutichiy ushashpa llakikunapi urmashkata riksinchikmi, Kay Código Ingenios kamachi mushukyachishkawanka pakta yanapaytami chayachinchik", kashnami Mamallakta Tantanakuyta pushak, Guadalupe Llori Abarca, nirka.
KC/pv/cg-k
