Kay Human Rights Watch (HRW) llakta pushakmanta chikan tantanakuyka Allpapachapak 2021 llankaywillaypi Ecuador Mamallakta Tantanakuy, 137 kamachi killkakkunayuk, wiñaykawsaymanta kay kutin Guadalupe Llori Abarca runa warmi pushakushkata riksirirka
14 puncha aymuray killa 2021 watapi, Llaktapak shuk niki ushay wasita pushachun shutichishka karka, Llori warmika achillatami llankashpa shamushka, kamachikunata shinallatak ñawinchiytapash pakta paktami Ecuador llakta ayllukunapak hayñita ukllarashpa llankamushka.
2008 wata, HRW tantanakuyka Derechos Humanos hayñita riksishpa mitsanapi yanaparka chay kutinka Marka pushaktami 11 killakunata wanachishpa wichkashka karka, Dayuma kitilli, Orellana markapi, punkara llukshichik wasikunawan chimpapurashpa atirishkamanta, payka kay llaktamantami
Chay kutinka Human Rights Foundation wankurika nirkami "Kikin runa kawsay hayñikuna mishashkatami Guadalupe Llori warmipi riksirin, kay mishayka kari warmi Ecuador llakta tukuy ayllukunapakmi ", chay kutinka kay wankurika llakta pushakkuna "anchata millashpa" llakichishkatami willachirkakuna.
Guadalupe Llori warmika sinchita atiri shinallatak arpayta riksichik unanchami kan; Mamallakta Tantanakuyta pushakukka Derechos Humanos hayñimanta llankaytaka wamramantami kallarirka, Pachamamata, Hampinata, Yachayta, Ayllukuna alli kawsaytapash mashkashpami llankarka. Kamanata yachakmi, Santiago de Guayaquil sumak yachana wasipimi (2004) wata yachayta tukuchirka, sumak yachana wasipipash yachakukkunata pushakmi karka shinallatak Derechos Humanos hayñiy paktarinata mashkarka. Orellana kiti pushanapak 2000 watamanta 2004 watakama akllashka karka shinallatak Marka pushanapakka 2004 watamanta 2018 watakamami akllashka karka.
"Ecuador Mamallakta Tantanakuyta pushak shinaka llankana pachakunata, punchakunata mana rikushpami llankakuni, tukuy llaktayukkunapak, wakllirinalla ayllukunapak, runa llakta ayllukunapak alli kawsayta mashkashpa, ñuka turi pani runa ayllukuna, paykunami ñawinchishpa, kamachiykunapi, Derechos Humanos paktaypipash llankashpa katinapak kayachin", kashnami Mamallakta Tantanakuyta pushakka nirka.
