Mamallakta Tantanakuyka yachanapak kullki mañak ayllukunatami yanapanapak arinirka

Sábado, 15 de enero del 2022 - 15:48 Imprimir Elaborado por: Sala de prensa
Asamblea Nacional ratificó su apoyo a estudiantes beneficiarios de becas y créditos educativos

116 ari apushitawanmi Mamallakta Tantanakuy kay Código de la Economía Social de los Conocimientos, Creatividad e Innovación (Código Ingenios) kamachi mushukyachinapak kallaripi killkashkata kutinpash arinirkakuna, kay kamachiyka yachanapak kullkita mañakkunata, kullki karashkata chaskikkunata shinallatak kullki yanapay chaskikkunatami rikuranka, kamachiywanka kullkita kutin kutichichun mañanata shinallatak yachanapak hayñitapashmi sumaychanka. “Mamallakta Tantanakuyka waranka waranka wamrarak ayllukuna yachanapak kullki mañashpa llaktapi achka kullki llankay llaki tiyashkamanta mana kutichina ushakukpakmi llankakunchik”, kashnami, Guadalupe Llori Abarca pushak nirka.

Mamallakta Tantanakuypi llankayka kawsayta ukllanapak hampi rikuranapakmi hatun yuyay kan

Mamallakta Tantanakuy shuk niki rimanakuypi Ley para la Gestión de la Emergencia Sanitaria por Pandemia, causada por el COVID-19 y sus variantes kamachiy rurana killkata riksirkakuna. Kay kamachiyka kawsayta, hampinatapash sumaychankapak, kacharishpa purina hayñita rikuranapak shinallatak tantarinakunata kikin wasi kawsana ukupi tantarinapak mana wakllichinatapash rikunka, kayshina llaki pachakunapi llakta pushakkuna chaparanta kayachinata wanachinatapash paktachinka, kay yuyaykuna kamachi ruranapak paktana kan shinallatak Mamallakta Tantanakuy Hampinapi, yachaypi, kawsaytarpuypi, llaktayuk pakta kawsaypi shinallatak llakikunata rikunapak llankaymi kan.

Kacharishpa rimana shinallatak willachinapashmi Mamallakta Tantanakuypi rimanakunapak yuyaykuna kan

Kay Ley Orgánica para la Garantía, Promoción y Protección de la Libertad de Prensa, de Opinión, de Expresión y de la Comunicación kamachi rurana  killkata Mamallakta Tantanakuy shuk niki rimanakuypi riksirkakuna. Kay kamachiy ruranapak hatun yuyayka kacharishpa rimanata shinallatak llaktayukkunata millashpa, llakichishpa rimanamanta ukllakmi, wawakunata kikin kawsaypi yumayllakimanta chikanyachsihpa ukllan, shinallatak willachina antakunapi llankakkunapak hayñitapash yanapan, shuktak yuyaykunapipash charin. “Mamallakta Tantanakuyka kacharishpa rimanata willanatapashmi sumaychan”, kashnami, Guadalupe Llori Abarca, Mamallakta Tantanakuyta pushak, nirka.

Mamallakta Tantanakuyka régimen especial de Galápagos paktanamanta mamakamachiy mushukyachina rimanakuyta puchukarka

Mamallakta Tantanakuyka mamakamachiypak 258 niki killkata mushukyachinapak llankayta puchukarka, kaypika Consejo de Gobierno wankuri pushakta shinallatak Galápagos markapi chikanyashka llika pushayta akllanapak rikunka, shinallatak kaypi kawsanapak, llakta ukumanta purinapak llankay hayñitapash kutin allichinapakmi rikuranata mashkakurka. Mañaykunaka mutsushka yalli ariniyta mana paktarkachu (91 ari apushitay) ashtawanpash 15 aripi, 116 mana shinallatak kimsa mana apushitaytami paktarka. Chaypakka wayta llakta allpa wakllirinalla kashkata, shinallatak régimen especial paktayta charishpa katinatami mashkakun, shinami allpa pachapi shuklla tiyashka kawsayta ukllashpa, charishpa katinka.

Llaktayukkunawan makipurashpami kamachiykunataka ruran

Kay Soberanía Alimentaria Minkarishkapika makiwan apankurata shinallatak chalwatapash hapishpa llankak tantanakuy pushakkunawanmi kay Ley para el Desarrollo de la Acuicultura y Pesca kamachiy mushukyachinapak yuyaykuna chayachishkata chaskirka. Shinallatak  Ley de Incentivos a la Pesca Artesanal kamachiy mushukyachina killkatapash riksirkakuna. Kay Relaciones Internacionales Minkarishkaman SRI pushakkuna shinallatak Cancillería pushakpash Estados Unidos de América llakta Ecuador llaktwan yuyarinakushka killkapi  manu kullkimanta willaykunatami riksirkakuna. Ashtawanka, Ley Contra la Trata de Personas y Tráfico Ilícito de Migrantes kamachi rurana killkatapash riksirkakuna. Kay Desarrollo Económico Minkarishkamanka  Ministerios de Finanzas shinallatak Trabajo llankaywasi pushakkuna, Superintendencia de Economía Popular y Solidaria tantanakuy pushak shinallatak  Secretaría de Derechos Humanos pushakkunami chayamurka, paykunawanmi Ley para Impulsar el Trabajo de la Mujer, Igualdad de Oportunidades y la Economía Violeta kamachi rurana killkata rimanakurkakuna. Shinallatak pushakkuna, kamak yachakkunapashmi Ley de Compañías kamachi mushukyachinapak pichka kamu killkakunata riksirkakuna. Kay Enmiendas y Reformas Constitucionales Minkarishkapi ishkay kamak yachak runakuna shinallatak kullkikamak yachak runa willashkatami mamakamachiy mushukyachinamanta rimanakuypi chaskirka, kay kamachiy mushukyachiywanka Mamallakta Tantanakuy Llaktapak kullkillankay pankaruraypi ashtawan kimirichun mañan. Tawka llaktayukkuna rimashkawana, Derecho al Trabajo Minkarishkapi kay Ley de Fortalecimiento del Trabajo Autónomo para su ingreso a la Economía Formal kamachiy rurana killkata rimanakurkakuna. Derecho a la Salud Minkarishkapika llakta pushakmanta, shukllamantapash kimsa runakunapak willashkatami Ley de Salud e Higiene Menstrual kamachiy ruranapak killkamanta chaskirka, paykunaka may allimi nishpa kushiyarkakuna.

Minkarishkakunapi hayñikunata ukllanapak, wawakullki mashna paktanata shinallatak Antisuyu llakta wiñarinatami rimanakurkakuna

Kay Justicia minkarishkapi kay Ley para Garantizar el Derecho a la Interrupción Voluntaria del Embarazo en caso de Violación kamachi ruranapak niki killkakunata rimanakurka, Defensoría del Pueblo tantanakuymi Corte Constitucional yuyarinakushka killkata paktachishpa chayachirka. Chaypakka hampik runakunapak yachakkunapak yuyashkatami uyarkakuna. Kay Biodiversidad Minkarishkapi Ley para la Planificación y Desarrollo Integral de la Circunscripción Territorial Especial Amazónica kamachiy mushukyachinatami ashtawan sinchiyta yachashpa kallarirkakuna, kamachiyka suyu llakta wiñarinata llaktayuk mutsushkata shinallatak Ley de Minería kamachiy mushukyachinapi llaktayukta taripanapak llankayñantapashmi allichirkakuna. Kay Código Monetario y Financiero kamachiy mushukyachinata shinallatak wawakullkita mashna hapinapak rikuytapashmi Régimen Económico Minkarishkapi, llakta pushakkuna, kullkiwasi pushakkuna, shinallatak economía popular y solidaria tantanakuy pushakkuna chaypi kakpi riksirkakuna. Gobiernos Autónomos minkarishkapi Ministerio de Desarrollo Urbano y Vivienda (Miduvi) pushakkunawan makipurashpami Ley de Legalización de la Tenencia de Tierras a favor de los Moradores y Posesionarios de Predios que se encuentren en circunscripción de los cantones Guayaquil, Samborondón y El Triunfo – Monte Sinaí kamachiy mushukyachina killkata riksirkakuna.

Mamallakta Tantanakuy llaktay chapariy llankaypika hampikuna illashkata shinallatak chapak pushakkuna ashtawan patayanapimi llankarka

Kay Derecho a la Salud Minkarishkapi tisiku ayllukunapak, ancha unkushkakunapak mana riksishka unkuy charikkunapak hampikuna illashkamanta taripaytami katikun, chaypakka Subsecretaria de Presupuesto del Ministerio de Finanzas tantanakuy pushak willashkata uyarkakuna. Kay Soberanía y Seguridad Integral Minkarishkapika Ministra de Gobierno shinallatak Comandante General de Policía tantanakuy pushakkunatami chaskirka, paykunawanmi chapak pushakkuna imashina patayanata rimanakurkakuna shinallatak kaypi “narco generales” llakikuna tiyashkatapashmi rimarkakuna. Kay Educación Minkarishkapika Morona Santiago, Orellana, Sucumbios shinallatak Zamora Chinchipe markakunapi Sumak Yachana wasi wiñachinamanta rimanakurka. Kay Soberanía y Seguridad Integral Minkarishkapika, Ramiro Narváez pushakushka, Fiscal General del Estado kamakta shinallatak Consejo de la Judicatura pushaktami chaskirka, kaypika Chapak pushakkunata, kamakkunat, ayllukunata shinallatak kikinmanta kamashpa llankakkunatapash, kamachiyta wakllichisha llankakushka nishpa Estados Unidos llaktaman yaykunapak iñik panka anchuchishkamanta ima llankay paktakushkata willachun chaskirka.

CAL wankuri mushuk kamachi ruranapak killkakunatami akllarka Minkarishkakunami llankay kallarinka

Kay Consejo de Administración Legislativo (CAL) wankupi tukuy llankakkunami kamachi ruranapak chunka kamu killkakunata akllarkakuna shinami kay kamachi rurana killkataka Minkarishkakunaman llankay kallarichun chayachirka, kamachi ruranapak mamakamachiypi, Ley Orgánica de la Función Legislativa kamachiypipash mutsushkata paktashkamanta arinirka. Ashtawanka, Minkarishkata pushakkuna tawka kamachiy ruranapak killkakuna chay yuyayllatatak charikpi shukyachichunmi arinirkakuna. Kay yuyaykuna llaktayukta yanapanapak sukta yuyaykunamanmi mirarin shinami kay  inti 9 puncha arinishkapi riksishka karka.

Kishpichinapak kunkarinapak mañashkata yachay kallarirka

Kay Garantías Constitucionales Minkarishkapi, llankayñanta arinishka kipa. Wanachiyta Kishpichinapak, kunkarinapak mañashkata riksishpa kallarirka. Chaypakka llaktayuk tantanakuy pushakkunata chaskirka, shinami imamanta mañashkata ashtawan riksinkakuna. Kallaripika, “Atirinapak hayñi shinallatak llaktayuk atirinakuy – wayru 2019 wata” ñawinchiymanta mañashkata riksishpa kallarirka. Kay Ley Orgánica de la Función Legislativa kamachiypak 96 niki killka rikuchishkata katishpa, Minkarishka, 30 punchakuna ukupi  mañashkata CAL wankuri chayachishkata riksishka punchamanta yupashpa, mañashkata riksinka shinallatak tukuy chaypi llankakuna arinishkawan, llankaywillayta arininka shinallatak Mamallakta Tantanakuy pushakman chayachinka, kaypika kishpichina, kunkarina paktana mana paktanata rikuchishpami willanka.

PV/cg-k

Av. 6 de Diciembre y Piedrahita · Teléfono: (593)2399 - 1000 | Quito · Ecuador