Kay Derecho de las Mujeres Wankuri Tantarishkami Fundación Haciendo Ecuador tantanakuywan shinallatak National Endowment for Democracy tantanakuy yanapashkawan, Fundación Panamericana para el Desarrollo (PADF) tantanakuywanpash makipurashpa, "Llaktaypi llakichiy shinallatak Warmikashkamanta wakllichiy" rimanakuyta kallarirkakuna.
Mónica Benegas, Fundación Haciendo Ecuador tantanakuyta pushak, shuk niki yachaykunata kallarichirka shinallatak Mamallakta Tantanakuymanka warmikuna pakta pakta hayñikunata paktachichun kayachishkamantami kushiyayta chayachirka .
Rimarishpaka nirkami, llaktaypi wakllichiyka warmikuna kashkamantami ashtawanka rikurin, llaktay llankaymanta anchurichun yuyashpa, pushak akllarinamanta nakashpaka maypi llankakushkamantapash chikanyachun munashpa.
Shinallatak, warmikuna kashkamanta wakllichiyta wanachinapak riksik llaktakunamanta rimarka, nirkami Bolivia llaktami kallaripi kan, ishkaynikipika Argentina, El Salvador llaktapash shinallatak chukunikipika Ecuador llaktami sakirin.
Shukniki yachay rimanakuypika, llikapankakunapi warmikunata wakllichiy paktashkatapashmi rimarkakuna "LLakichiyka chaypimi kan, killkawillaypi, shuyukunapi, kamishkapi, aychamanta millashpa shinallatak llankay ushayta mana paktanka nishpa rimaypipash punchanta rikurin, pakta rimashkashinami riksirishka, asinayman apashkapash, shinapash warmikashkamanta wakllichiymi kan", kashnami Fundación Haciendo Ecuador tantanakuyta pushakka nirka.
Yachayaman chayakkunaka Mamallakta Tantanakuyman llaktayukta yachayman kayachishkamanta kushiyayta chayachirka, shinami llaktayukkuna pakta pakta kachun mana wakllichishka kachunkpash yanapanka nirka. Ishkayniki yachayka chillay 19 puncha kullka killami 08h30 pacha tutamanta kallarinka.
KC/pv/cg-k
Más fotografías:
