Kay Relaciones Internacionales Minkarishkapi kay Ley Orgánica para la Garantía, Promoción y Protección de la Libertad de Prensa, de Opinión, de Expresión y de la Comunicación kamachi rurana killkapak yallik hunkay awkarik puncha Mamallakta Tantanakuy shuk niki rimanakuypi yuyaykuna chayachishkata riksishpa katikun.
Kacharishpa rimana willanaka Mamallakta Tantanakuypak tukuy llankaymanta ñawpakman churashkami kan, chaymantami, Juan Fernando Flores kamachi killkak pushakushka Minkari allichishka llankaywillaypika, Llakta pushak, Guillermo Lasso, chayachishka yuyaykunallata mana charinchu, ashtawanpash, Marjorie Chávez, Fernando Villavicencio, Marcela Holguín, Dina Farinango kamachi killkakkuna shinallatak ñawpa kamachi killkak Juan Cárdenas runapash chayachishkatami kimichishka.
Kay Ley Orgánica de la Función Legislativa (LOFL) kamachiypi rikuchishka pachakuna ukupika, rurarina killkataka llaktayukkunaman, tantanakuykunaman, ayllukuna tantanakuykunaman shinallatak shuktak llankaywasikunamanpash yuyaykunata chayachichun riksichishkanchik.
Kay rimanakuykunapika llaktayukkuna llankaywasimanta, tantanakuymanta ayllukunami chayamurka, kaykuna, Secretaría de Comunicación de la Presidencia de la República; Consejo de Comunicación; Fundamedios; Federación y Unión Nacional de Periodistas; Arcotel; Corape; Asociación Ecuatoriana de Radiodifusión; Red de Periodistas Libres; Cofenaie; Unesco; el Relator de la Libertad de Expresión de Naciones Unidas tantanakuymanta ayllukuna, shinallatak yachakkuna, mamakamachiy riksikkuna, shuktak ayllukunapashmi chayamurka.
Mamallakta Tantanakuyka llaktayukta yanapak kamachiykuna rurana killkata riksishpa katikunmi, chaymantami kullka 20 puncha kulla killa, kay Ley Reformatoria a la Ley de Seguridad Social kamachi rurana killkapak ishkay niki rimanakuyta paktanka, shinami IESS tantanakuy tukuy charishkata, shinallatak paypak llankaywasikunatpash achikllata pushanapak yanapanka; shinallatak, kay awkarin 25 puncha kay killallatakmi Ley Orgánica para Garantizar el Derecho a la Interrupción Voluntaria del Embarazo en caso de Violación kamachi rurana killkata ishkay niki rimanakuypi llankaywillayta riksinkakuna,
PV/cg-k
