Mamallakta Tantanakuypi, María del Carmen Maldonado, Judicatura tantanakuyta pushak; Diana Salazar, Fiscal General del Estado kamak, Ángel Torres Machuca, defensor Público General pushak; shinallatak Íñigo Salvador, procurador General del Estado pushakpashmi kay 2021 watapi llankashka willanaman chayamurka, kayshina paktayka kay Ley Orgánica de la Función Legislativa kamachiypak 47 niki killka riikuchishkamantami kan.
María del Carmen Maldonado, kay Consejo de la Judicatura tantanakuyta pushakka, llaktata llakichiyta shinallatak tantanakushpa llakichikkunatra chikanyashpa chimpapuranapak wankuri wiñachishkata willarka, shinallatak, kay Corte tantaripi chikanyashpa yachay uku llankashkatapash. Nirkapashmi, 2.000 yalli kamay paktachik ayllukunatami allikaypi, pakta kamanapipash yachachishkanchik, shinallatak ayllukunata yanapanapak wasikunatapash tukuy llaktapimi allichishkanchik. Shinallatak kasikay chaparay paktachishkapika, 66 llankaymanta llukshichishkanchik shinallatak 366 llankakkunami ñawinchiypi paktarikun, 84% paktsak taripaytami allichishkanchik, nirka.
Paymantaka, fiscal General, Diana Salazar pushakka, willaypika llakichishka, yachakkunata yanapashkatami ashtawan rimarka, 2021 watapika 2.328 ayllukunami paktarirka nin. Llakichiyta chimpapuranapika 205 taripaytami paktashka, tukuymantaka 178 ñawinchiymi taripaypi, 20 ñawinchiy instrucción fiscal paktaypi shinallatak 7 wanachishka kan. Warmikunata wakllichishkamanta mañayka 5.620 huchachiytami llikapankapi chaskirka shinallatak warmikashkamanta 67 wañuykunami tiyarka. Shinallatak istallaktamanta wanachina yanapaytaka 76% patsaktami chaskirka, ashtawankarin Costa Rica, España, Estados Unidos, Países Bajos shinallatak Panamá llaktakunamanta, hatun riksishka llakichiykunata taripanapak.
Defensor Público, Ángel Torres Machuca pushak, kay 2021 wataka kullki mana mañashpa 9 kamana wasikunatami arinirkanchik, tukuy llaktapika 72 tiyan; 235.522 yanapay mañashkatami riksirkakuna; kamaypi 49.574 yanaparka; yachaywanka 55.558 wakllishka warmikunatami yanaparka, ashtawankarin wasi ayllu ukupi wakllirishkata. Shinallatak Regístro Único de Violencia wiñachishka Warmikashkamanta wakllichiyta harkanapak yanapanapakmi paktarinka, nirka.
Paymantaka, Íñigo Salvador, Procurador General del Estado pushak paypak llankaywillayta riksichiypika Procuraduría tantanakuyka 114.938 taripay mañaykunatami charin nirka. 2021 wataka 7.161 taripaytami Llaktapak allikayman paktarka, tukuyka 58% patsakmi kan. Llaktapak charishkatapash kutin tantachirka. Istallakta paktaykunapi shinallatak rikuraykunapipash istallamanta 86 mañaykuantami riksishpa katikun.
Llankaywillayta uyashka kipaka, Mamallakta Tantanakuypika Participación Ciudadana Minkarishkaman Consejo de la Judicatura llankaywillayta riksichun chayachirka; Régimen Económico Minkarishkaman Procuraduría llankaywillayta; Niñez Minkarishkaman Defensor Público tantanakuypak llankaywillayta, shinallatak Justicia Minkarishkaman Fiscal General del Estado llankaywillaytami riksinkakuna.
EG-JLVN/pv/cg-k
Ashtawan shuyukuna:
