"Allpapachata rikurana shinallatak pachamamata charishpa katinami tukuy llaktakunapak sumaychayka kan; chaymantami Ecuador llaktapash Istallaktawan yuyarinakushpa Antártida suyuta llaktata ukllana shinallatak kawsay chinkarinatapash harkanapi llankana ancha mutsurin", kashnami Mamallakta Tantanakuyta pushak, Guadalupe Llori Abarca kamachi killkak, kay Convención de los Recursos Vivos Marinos Antárticos yuyarinakushka killkata rimanakuy kallaripi, nirka.
Kay Istallaktawan yuyarinakushka hayllika Antártico suyu llakta mamakuchapi kawsayta charishpa katinapakmi sumaychan, chayka, kawsay chinkarinata harkanapak, pachamama kawsayta rikuranapak shinallatak chaypi tiyashkata hapinapakmi yanapan. Kay yuyarinakushka suyu llaktaka 35,710,006 kilómetros cuadrados tupu allpatami charin, allpapachapi mamakuchamanta 10% patsak tupu suyumi. Ashtawanpash, kay kullasuyu mamakuchapi chalwa hapinatapashmi rikuran.
PV/cg-k
