119 ari apushitaywan, Mamallakta Tantanakuypi kay Convención sobre la Conservación de los Recursos Vivos Marinos Antárticos yuyarinakushka killkata kutin arinin, mamakuchapi kawsayta ukllashpa katinata rikun, pachamamawan paktarinapak shinallatak charishkata allilla hapinapakpash rikunka. Yuyarinakushka killkawanka 35,710,006 kilómetros cuadrados tupu allpami riksishka kan, allpapachapak 10% patsakmi. Astawanka, kullasuyu mamakuchapi chalwa hapinata rikunka.
"Ñukanchik pachamamata rikurankapak shinallatak pachamamata rikunapakka tukuy llaktakunapakmi sumaychana kan; chaymantami kay kutinpash yuyaypaktarina killkata arinishkawan, Ecuador llaktaka Antártida suyu allpata ukllanapak istallaktawan yuyarinakushka killkaman kimirin shinallatak kawsay chinkarina harkaypipash yanaparin", kashnami Mamallakta Tantanakuyta pushak, Guadalupe Llori Abarca nirka.
Fernando Cedeño kamachi killkak, llankaywillayta riksichik, nirkami Yuyarinakushka killkawanka kay allpapachapak suyu llaktapika kasiklla llankaypaktanapakmi kan. Ecuador llaktaka kaypimi kan shinallatak kay suyupi llankaykuna paktana rimanakuypika yuyayta apushitaytapashmi chayachin.
Ashtawanka, yanaparinapika bacalao chalwata hapinami rikurin, shinaka Ecuador llakta istallatawan yuyarinakushka killkaman kimirishkawanka chalwata ashtawan hapinapimi yanapan shinallatak antártico suyullakta bacalao chalwata mintalanapak shinallakta shuktak chalwatapash mintalashpa kullkillankay sinchiyanapak.
Kallaripika, llaktayuktami chaskirka kaymanmi yachak runakuna chayamurka, yachachik Jorge Constain Chang, payka nirkami Ecuador llakta kay yuyarinakushka killkaman kimirishpaka chalwa hapina llankaytami allikachinka shinallatak chalwatapash mana hapinalla kuskakunaman yaykuchun sakinka. María Cristina Cely, One Health Ecuador tantanakuyta pushak, kay Antártida suyuka llaktakuna wiñarinapak hatunmi kan. Shinallatak, sumak yachana wasipi yachachik Miguel Gualoto Oñate runaka, Ecuador llaktaka antártico charishkata ukllanapak shinallatak chirikunuk shuktakyayta harkanapak shuk kikin yuyaykunatami chayachinata mutsun, nirkami.
El debate contó con la participación de varios asambleístas, quienes recalcaron la importancia del ecosistema antártico para los intereses económicos del Ecuador, como el caso de Puerto López y Manabí, que recibe anualmente 17 millones de dólares por turismo relacionado con la presencia de las ballenas jorobadas
Rimanakuypika tawka kamachi killkakkunami yuyayta chayachirka, paykunaka antártico suyu llaktapi kawsayta ukllana mutsurishkata shinallak Ecuador llaktapak kullki llankayman alli kashkatami rimarka, kay Puerto López llakta Manabí markapi, watan watanmi 17 hunu dólar kullkita chaskin, ballenas jorobadas chalwakunata rikunaman chayakkuna sakishkamanta.
EG/pv/cg-k
