Kay Consejo de Administración Legislativa (CAL) tantanakuy, tawka wankurimanta chayachishka kamachi rurana sukta killkatami akllashpa arinirkakuna, Minkarishkakunami killkataka allichinka, mamakamachiy shinallatak Ley Orgánica de la Función Legislativa kamachiy mañashka tukuy paktashkata rikushpami arinirkakuna.
Tantanakuypi rimarik tukuy kamachi killkakkuna arinishkawanmi, CAL tantanakuyka, kay Ley de Interceptación de Aeronaves Irregulares y Defensa del Espacio Aéreo Nacional kamachi ruranapak killkata, Johanna Moreira kamachi killkak chayachishka, antankakunata riksinkapak riksichiyñanta, shinallatak katihapinkapak ushayta paktarinkapakpash rikuchinka; Relaciones Internacionales y Movilidad Humana Minkarishkami kay killkataka riksishpa allichinkakuna.
Ashtawanka, kay Ley Orgánica del Código Orgánico de Seguridad del Estado kamachi rurana killkata arinirka, Geraldine Weber kamachi killkak chayachishka, kay kamachiyka LLakta kasiklla kawsanapak alli llaktay wiñachinatami rikuchin, Soberanía, Integración y Seguridad Integral Minkarishkami riksishpa allichinka.
Shinallatak, CAL tantanakuyka, Derecho a la Salud y Deporte Minkarishkamanmi kay Ley de Deporte, Educación Física y Recreación para el fortalecimiento del deporte de alto rendimiento kamachiy mushukyachina killkata chayachirka, Mamallakta Tantanakuyta pushak, Guadalupe Llori Abarca shinallatak Esteban Torres, Juan Fernando Flores, Paola Cabezas, Rafael Lucero, Alejandro Jaramillo kamachi killkakkunami mañaytaka chayachirkakuna, kay kamuka llaktayukkunawan tantanakushpami kay "Sinchi pukllayta mirachinkapak kamachiyta allichinapak wankurishka" rimanakuypimi riksirkakuna, shinallatak sinchita pukllana yachakkuna, llakta pushak llankaywasikunamanta yachakkunapashmi rimanakuyman chayamurka.
Ashtawanka, kay Minkarishkapika, Ley para el apoyo al deporte barrial y parroquial por parte de los Gobiernos Autónomos Descentralizados Provinciales kamachi rurana killkata, Ley del Deporte, Educación Física y Recreación kamachi mushukyachina killkata, Freddy Moreno ñawpa kamachi killkak mañay chayachirka; shinallatak kay Ley Orgánica del Deporte, Educación Física y Recreación kamachi killkata, Marcos Molina kamachi killkak chayachishka; shinallatak, Ley Orgánica del Deporte kamachita, Eitel Zambrano kamachi killkak chayachishkatami allichinapak rikukunkuna.
Yachak Minkarishkakuna, CAL tantanakuymanta kamachi killkata allichinapak mañayta chaskishka kipaka, llankay imashina paktanapak rikuchin llankayñanta allichinka kay kamachi ruranapak shukta kamukunapi llankay kallarinkapak.
EG/pv/cg-k
