Kay 27 kullka puncha kulla killapi, 09h00 pacha tutamantapak, Mamallakta Tantanakuy llankanapakka ishkay hatun yuyaykunatami churashka tiyakun. Kallaripika Ministros de Obras Públicas, de Energía y Recursos Naturales No Renovables pushak, shinallatak Gerente de Petroecuador pushak, Director del Servicio de Gestión de Riesgos y Emergencias pushakkunami ñawirinaman kayachishkakuna kan, paykunaka kay Coca mayu allpa shuchuypi ñankunata, punkara apana tutukunata llakichikukpi imalla llankaykuna paktakushkata shinallatak Sucumbíos, Napo marka ayllukunaman yanapay paktakushkatami willankakuna.
Kay ñawirinamanka Mamallakta Tantanakuy kay yallik 14 puncha kapak killapi yuyarinakushkata paktashpami chayamunkakuna, kaypika llankaywasi pushakkuna kay panchi killa 2020 watamanta llakikuna rikurishkata chimpapuranapak, allichinapakpash ruraykuna paktana llankayñantariksichichunmi kayachirkakuna.
Ishkayniki llankaypika, Comité Nacional de Operaciones de Emergencia Nacional pushakkuna shinallatak Director Ejecutivo de la Agencia de Regulación y Control de Energía y Recursos Naturales No Renovables tantanakuyta pushakpashmi ñawirinka, paykunaka Zaruma kitipi chukita pakalla llukshichikuy harkanapak imalla llankaykuna paktakushkatami willankakuna.
Llaktapa llankay awllikuna ñawirishka kipaka, Biodiversidad y Recursos Naturales Minkarishkamanmi kay riksinakuna yallinka, kay minkarishkakunami Mamallakta Tantanakupi riksichin shuk pakta allichiska llankaywillayta chayachinkakuna.
KC/pv/cg-k
