Mamallakta Tantanakuyka, kay 3 puncha kulla killa 2022 watapi La Comuna, La Gasca kitisuyu, Quito llaktapi yakuhuntaymanta wañushka ayllukunapak wasi aylluman, chukririshka ayllukunaman, shinallatak charishkata chinkarikmanpash nanariyta chayachin.
Mamallkta Tantanakuymanta kay llakipi urmashka ayllukunata yanapanapakmi llankakunchik. "Quito llakta llakipi wañushka wasi ayllukunawanpash anchatami nanarinchik, shinallatak ashtawankarin kay yakuhuntay llakipi kuyashka ayllukunata chinkachik runawakunawanmi llakirinchik. Wañushkapak wasi ayllukunaman, llakitukuk runakunamanpash nanariyta chayachini. Mamallakta Tantanakuyka yanapanapak shuyakunmi", kashnami Mamallakta Tantanakuyta pushak, Guadalupe Llori Abarca, nirka.
Ashtawankarin, Mamallakta Tantanakuymanta, Soberanía, Integración y Seguridad Integral Minkarishkapimi, kay Gestión de Riesgos kamachi rurana killka, kay Código Orgánico de Seguridad hatun kamachiywanpash allichirikun, kay kamachiywanmi pachamama llakichikpi yanapaywan pakta chayanata ushashun.
Kaykamaka, Minkarishkaman llakta pushakkuna, shukllapak tantanakuy pushakkunapashmi chayamushka. Shamuk hunkaypi yachakkuna tantarishpa yuyaypaktarinkakuna shinallatak, shamuk 11 puncha panchi killami tukuy Minkarishkakuna riksinapak, arininapakpash chayanka, shinami kay pawka killakama kay Código Orgánico de Seguridad kamachiypak llankaywillayta Mamallakta Tantanakuy shuk niki rimanakuypi riksinapak charinka.
Kay kamachiy ruranapakka, Mamallakta Tantanakuy pichka kamukunatami chaskirka, Consejo de Administración Legislativa (CAL) tantanakuy arinishka, kaypika rikuchishkami, man paktarishpaka, Minkarishka riksikuk shuktak kamu killkakunatapash shukllapi tantachichun shinallatak shuk yuyaymantalla rikuchikukpika. Shuk niki rimanakuypak llankaywillaypika, Minkarishkakunaka Mamallakta Tantanakuypi tukuy killkakkunata tantachishpa shukllapi riksichunmi mañanka.
Llakitukushka ayllukunamanta, mamallaktapak wañushka ayllukunapak shutipi shinallatak kay llakipi chukririshka ayllukunapak shutipipash, Mamallakta Tantanakuyka kay yakuhuntay llakita yanapanapak chayakushkata alliruranapak shinallatak tukuy ñawinchiynapi, llaktay chaparana llankaypipash paktanapakmi arinin.
MAE/pv/cg-k
