121 ari apushitaywanmi, Mamallakta Tantanakuyka, Directorio de la Corporación Financiera Nacional (CFN) wankurishka pushakkunata shinallatak Directorio del Banco del Pacifico wankurishka pushakkunatapash ñawirinaman kayachinka, paykunaka kay kullkiwasi mashna mintalanapak mashna paktashka shinallata llaktapak tawak kitikunapi yanapak wasikuna wichkashkata willachunmi kayachinka.
Kay Régimen Económico Minkarishkami mashna paktashkata, kullki chayana mashna wakllirishkata kay Banco Pácifico kullki wasi katunamanta rikunka shinallatak Mamallakta Tantanakuypak llankaywillay kimsa killanta kacharka, ruraykuna paktarichun, llaktapi kamayta katinkapak.
Kayshinami Fiscalización y Control Político Minkarishkami, 48 pachakuna ukupi, paykuna wakichikushka willayta tukuy Régimen Económico Minkarishkaman chayachichun mañankuna. .
Rosa Belén Mayorga kamachi killkak, yuyarinakunapak killkata chayachirka, payka Banco del Pacífico kullki wasi llaktapak ishkayniki kullkiwasi shina. "kapak killa 2017 watamanta, kapak killa 2021 wataka wiñashkami shinapash ñawpa wiñakushka shina mana kashpapish. Kay willaykunaka achiklla paktami kana kan, llaktapak charishkata ukllashpa katinapak", kashnami nirka..
Kay rimanakuypika 13 kamachi killkakkunami rimarirka, paykunami mashna kullki chanina kashkata rimarka shinallatak kay kullkiwasita mintalanapak. Shinallatak, kay Banco Pacífico kullki wasika, shukllapak kashpami, llaktay yuyarishkamanta Corporación Financiera Nacional (CFN) tantanakuypak makiman yallirka nishpa rimarirkakuna. Shuktay yuyaykunapika, kay kullkiwasika Llaktapak makimanka kay 1999 wata killkillaki ancha paktashkamantami llakirka.
Puchukaypika, Kay Banco Pacífico kullkiwasita mintalashpaka yachanapak mañachishka kullki kutichinamanta ima paktarinata rikuna kan, shukllapak kullkiwasita yallishpami anchata yanapashka,, chaypakka, tawka kamachi killkakkunaka, katunapak rantika, llakta wiñarinapak pakta yanapak kullkiwasimanmi yallina kan, Ecuador llaktapak llankayta sinchiyachinapak, nirkami.
EG/pv/cg-k
