Guadalupe Llori Abarca, Mamallakta Tantanakuyta pushak, Antisuyu llaktamanta, Orellana markamanta akllashka kayachishkamantami, llakta pushakkunata, Antisuyu llakta pushakkunata; wankuri pushakkunata; Seguridad; Fiscalización; Biodiversidad shinallatak Garantías Constitucionales Minkarishka pushakkunata; kay suyumarkamanta akllashka kamachi killkakkunatapash pash shuk rimanakuyman kayachirka, paykunawanmi Piedra Fina kuska llakta, Napo shinallatak Sucumbios marka llaktapi kay Coca mayuta 28 puncha kulla killa punkara hicharishpa mapayashka llakimanta rimanakunkapak.
Mamallakta Tantanakuyta pushak nirkami punkara hicharishka shinallatak chuki llukshichishkamanta mapayachishka, kunkarita shinallatak wañuytami sakin. "Kay rimanakuypika kay suyullaktapi kawsak ayllukunata pakta yanapanapak llankaykuna paktana ñanta allichirka shinallatak pachamamata allichinapakpash yuyarirkakuna; punkara hichariyka pachamamatami mapayachin, allpa kawsauta, ayllukunapak hampinata, allpa tarpunata, mayu mapayachishpa llakichin, kay llakikunatami utkashpa allichina", ninmi.
Guadalupe Llori, kay suyupi punkara llankay shinallatak chuki llukshichina wakllichishkamanta ñawinchina llankayta ashtawan sinchiyachishun.
Kay Ambiente, Energía llankaywasi pushak shinallatak Secretaio de Gestión de Riesgo pushakwan pachamamata allichinapak makipurashpa llankay paktanata yuyaypaktarirkakuna, kay kuskakunaman upyana yakuta chayachinapak; llakitukushka ayllukunaman kawsanapak mutsushkata chayachinapak; shinallatak, Mamallakta Tantanakuyman llankaywillayta chayachinkapak.
Kay rimanakuypika, kay kutinlla, Luis Cornones, Juan Carlos Orellana runakuna, Joya de los Sachas shinallatak Aguarico marka pushakkuna; Henry Guaitarilla shinallatak Alexandra Conde, kay Federación tantanakuy pushak shinallatak Orellana markamanta minkashka ayllukuna; Darwin Camacho, Junta Parroquial San José de Guayusa pushak; Misael Jupa, kay Federación Fecunae Orellana tantanakuy pushak; Luis Muñoz, Yasuní kitilli pushakpashmi Mamallakta Tantanakuy pushak Guadalupe Llori kamachi killkakta llakta pushakkunata, Antisuyu llakta pushakkunata shinallatak kay suyu llaktapak pachamamapak llakita allichinapak kayashkamanta naparkakuna; ashtawanpash, hatun llakikuna tiyashkatapash riksichirka.
Wankuri pushakkuna shinallatak kamachi killkakkunapashmi Antisuyu llakta ayllukunawan nanarirka, shinallatak kay llaktapi punkara hicharishpa llakichishkata allichina shinallatak yanapayta chayachinapash nirkakunami.
Mamallakta Tantanakuyta pushak, Guadalupe Llori, rimanakuy tarishka may allimi kan nirkami. Kay Orellana, Sucumbios llaktakunapi llakikunata chimpapuranapak yuyarinakushka killakta allichikun nirka; shinaka, 10 punchakuna ukupimi kay llankaykuna paktashkata kutin rikushun, nirkami.
JLVN/pv/cg-k
Ashtawan shuyukuna:
