"Mamallakta Tantanakuypak shutipi kikinkunapak wasi ayllukuna chinkarishkamanta, wasikuna wakllirishkamanta, mintalana chinkachishkamantapash nanariyta chayachini. Kay llakimanta llukshinapak tukuy llakipi wakllirishka ayllukunaman yanapayta chayachinchik". kashnami Mamallakta Tantanakuyta pushak, Guadalupe Llori Abarca, kay La Gasca kuska llaktayukunaman, kay Quito llaktapi yallik 31 puncha kulla killkapi yakuhuntay wakllichishkamanta chayachirka.
Marcelo Mármol, llaktayuk ayllukunapak shutipimi,kamachi killkakkunata, llankakkunata, kamachi awllikunatapash yupaycharka. "Mamallakta Tantanakuypak llankayka may allimi karka, turutami maki hillaykunawan llukshichirkanchik, Mamallakta Tantakuy hatun antakunawan kay llakita rikunapak yanaparka, wakin ayllukunaka wasimana turu huntashkamanta mana llukshiushakurkachu", nirkami.
Pushak Llori willarkami, Mamallakta Tantanakuy ñawichiy llankanawanmi, Quito kiti pushak, Santiago Guarderas runata kayachishun, kay llaki maymanta kallarishkata, llakita imashina chimpapurashkata shinallatak llaktayukta imashina yanapashkata llankaywillaypi riksichichun; shinallatak, Superintendente de Ordenamiento Territorial pushaktapash, kay allpapunapi kawsanapak imashina chayachishkata riksichichun, nirkami.
Guadalupe Llori, Mamallakta Tantanakuyka kiti pushakkuna imallapi llankaywan paktarinata achikyachinkapakmi sinchita llankanka, shinami llakta allpakunapi allinta, achilllata, utkashpa llankay paktarichun yuyaywan llankanka."Kitipushakkunaka wasichiykunawan ashtawan, llaktayuk kawsay kallarinakunawan, mapakuna shitanawan, yurakuna chinkachinawan, ka´kakuna mapayachina rikunatapash allitami rikuna kan", nirkami.
HC/pv/cg-k
Ashtawan shuyukuna:
