Wakllirinalla mikunakuna nakashpaka mana wakllirinalla mikunakunatapash ayllukuna mikunapak kashkata ama shitankapak shinallatak wakcha ayllukuna yarikaypi yanaparichunmi Mamallakta Tantanakuyka Ley para Prevenir y Reducir la Pérdida y el Desperdicio de Alimentos y Mitigar el Hambre de las Personas en situación de Vulnerabilidad kamachi rurana killkata ishkay niki rimanakuypi riksirkakuna, kay rimanakuyka Derecho a la Salud y Deporte Minkarishka allichishka llankaywillaypimi paktarirka
"Mamakrinami Ecuador llakta achkata charik kashpapish, wawakuna irkikay llakipika suyullaktapuraka ishkaynikipimi kanchik. Chaymantami, hampina minka llankayta katishpa Mamallakta Tantanakuykaka, mikuna shitanata ashayachinapak harkanapakpash shuk kamachiyta rurashpa llankakunchik, kayshina kamachiywanka mikuna illaklla kawsakuk kari warmi wawakunata, wamrakunatami yanapashun" , kashnami Mamallakta Tantanakuyta pushak, Guadalupe Llori Abarca, nirka .
Marcos Molina kamachi killkak, Minkarishkata pushakka, kamachiyka mikunata mintalak hatun llankaywasikuna karachunmi mashkakun, shinallatak kay karanaka mana munashkallamanta paktachun ashtawanpash kuyay yuyaymanta sumaychay kachunmi mashkakun, kayshina wakchakunata yanapanapak, nirkami.
Kamachi ruranata yanapay
Rimanakuy kallarina ñawpaka, llaktayukkunata chaskirka, kayman Rubén Salazar, de la Corporación La Favorita pushak; Juan Pablo Grijalva, El Ordeño S.A pushak; Andrés Seminario, del Movimiento Sobre la Mesa y Consultora Actúa Verde pushak; Ricardo Martínez, mintalay shutikunata pushana yachak; shinallatak, Santiago Granda, director de la Escuela de Arte Culinario de Guayaquil yachachikpashmi, kay kamachiy imalla yuyaykuna charishkata shinallatak yanapay paktanatapash rimarkakuna.
Karashka mashna chani pakta kashkata, karana ima kashkata shinallatak mayhantak wakllirinalla ayllukuna kashakata alli rikunapakmi mañarka; karanapak imashina paktarinata, maypitak mikunakuna wakllirinall kashkata shinallatak mikunakuna shitarinata, shinallatak, kay mikunakunata imashina alli hampishpa chayachinata rikuchinami paktan, nirkakunami.
Yanapaymanta, llaktayukta manakunkaypash
"Yarikayta makipurashpa chimpapurashunchik", kashnami kamachi rurana killkata chayachik, Dallyana Passailaigue kamachi killkak nirka, llaktayukpika "Pancita Llena" shutiwan riksishka kamachiymi, Ecuador llaktapi mikunata mintalakkuna istallaktamanta mikunata apamukkunapash wakchakunaman chayachinapak makipuranaman, tarpukkuna sumaychanaman, ruranaman, rakinamanmi kayachin. "Kay kamachiyka mikunata pakta karanapak ruraykunata allichin shinallatak pandemia llaki pachakuna kipaka anchami mutsurin, kay kamachiyka wakcha ayllukunata yanapanapakmi kan" nirkami.
10 kamachi killkakkuna rimarishpaka, alli kamachiymi kan mikunata ama shitanapakmi yanapan, mikuna illakkunaman chayachinapakmi anchata yanapan, shinallatak karak ayllukunaman, tantanakuykunamantapash riksirishkata chayachin; shinallatak karashka mikunakunata ama mintalanapak shinallatak mikuna mintalayman kayachinapak yuyarinakushka killkata yuyaypaktarinapak yuyashkami.
Mamallakta Tantanakuyta pushak, Guadalupe LLori, Ley Orgánica de la Función Legislativa kamachiypak 61 niki killkata shinallatak Marcos Molina kamachi killkak, Salud Minkarishkata pushak, mañashkatapash katishpami, rimanakuyta harkachirka, Mamallakta Tantanakuypi chayachishka yuyaykunata allichichun shinallatak puchukay kill, .
RSA/pv/cg-k
