Kay Consejo de Administración Legislativa (CAL) tantanakuyka kay Consejo de Participación Ciudadana y Control Social (CPCCS) tantanakuypak 7 kunak runakunata ñawinchinapak mushuk mañashkatami chaskirka, mañaytaka Ricardo Vanegas, José Chimbo kamachi killkakkunami chayachirka.
Kay CAL tantanakuyka Unidad Técnica Legislativa (UTL) wankuritami kimsa punchakuna ukupi shuk llankaywillaypi killkashpa kay mañashka kay Ley Orgánica de la Función Legislativa kamachiypak 80 niki killkapak ishkay millkapi rikuchishkata tukuy mutsushkata riksichishpa willachun mañarka.
Llaktay ñawinchiyman mañayka César Córdova runata Defensor del Pueblo pushanapak minkashkata, Consejo de la Judicatura tantanakuypi, Fausto Murillo runata llukshichishkamanta, shinallatak Pablo Iglesias Paladines runata Superintendente de Ordenamiento Territorial pushanapak shutichishkamantapash.
Chashnallatak, Mamallakta Tantanakuy ukupi hatun llankak wankurika wanachinata kishpichinapak mañashkata harkanapak yuyarirkakuna, kay mañayka Mamallakta Tantanakuypi Reglamento para la Admisión y Tramitación de las Solicitudes de Amnistías e Indultos Humanitario uchilla kamachiy rikuchishkata mana paktakushkamanta shinallatak runakunata kishpichinapi nimayhanpak shuti mana rikurishkamanta.
KC/pv/cg-k
