UNES, Pachakutik, Izquierda Democrática wankurikuna 91 ari aripi apushitashkawanmi, Mamallakta Tantanakuyka Fiscalización Minkarishkapak llankaywillayta mana hapinapak yuyaypaktarirkakuna, kaypika Ruth Arregui Solano, superintendenta de Bancos pushakta ñawinchiyman kayachinapak mañakun. Kayshina yuyaypaktarishkawanka llaktapak llankaywasi pushakta ñawinchinapak arininkuna, shinaka, Mamallakta Tantanakuyta pushakmi pichka punchakuna ukupi Mamallakta Tantanakuyman rimanakuchun kay mañashkata riksichinka.
Rimanakuy
Kay Fiscalización y Control Político Minkarishkapak llankaywillayta riksishka kipa, Mamallakta Tantanakuyta pushak, Guadalupe Llori Abarca, rimanakuyman kamachi killkakkunata kayachirka, kaypika iskun kamachi killkakkunami rimarka, kay minkarishkapi llankakkunami ashkakuna kankuna.
Fernando Villavicencio, Ana Belén Cordero kamachi killkakuna, Minkarishkata pushak, kipapushakpash, shinallatak Pedro Velasco, Marco Troya, Bruno Segovia kamachi killkakkuna, kay llankaywillaypi churashkata riksichishpa mitsarkakuna. Paykunaka, riksinakuna, rikuchiykuna chayachiskawanka llankaywasita pushak Ruth Arregui runaka llankaypi mana wakllirishkachu, Darwin Perira kamachi killkak huchachishkapi, ninkuna.
Shuktakmantaka, Gabriela Molina, Roberto Cuero kamachi killkakkuna, Fiscalización Minkarishkapi llankakkuna, paykunapak apushitayka llankaywillayta mana wakichinapak mañashpa mana arinirkanchik, Superintendenta de Bancos pushakka Mamallakta Tantanakuymanmi kullki wasipi kimirishka llatatayukta imashinalla mitsakushka yanapayta ruraytapash willana kan, nirkami.
EG/pv/cg-k
Más fotografías:
