Mamallakta Tantanakuy kay Ley de Tratados y Acuerdos Interinstitucionales Internacionales kamachi rurana killkamanta ishkay niki rimanakuyta puchukarka, kaypika Istallaktakunawan yuyarinakunapak kamachiyta hamuktana, allichina, mushukyachina, harkachina nakashpaka tukuchinamantami rikuchin, shinallata arinishkata killkachinamantapash, ashtawankarin llakikuna tiyakpi rikunapak yuyaypaktarinapakpash.
"Istallatakunawan yuyarinakushka killkakunapi tawka yuyaykunata rikuchin; shinallatak, kunankama, istallaktakunapak hayñiwan, shinallatak mamakamachiywanpash paktarik shuk kamachiyta mana charinchikchu. Kay kamachiywanka, Mamallakta Tantanakuymi Ecuador llakta tukuy allpapacha tukuy istallaktakunawan makipurayta rikuchun yanapanka", kashnami Guadalupe Llori Abarca, Mamallakta Tantanakuyta pushak nirka..
Rimanakuypika, kamachi killkakkunaka istallaktawan yuyarinakushkata, arinishkatapash llakta charichun allimi rikurin, shinallatak Llaktapash runa kawsayta rikuranapak sumaychana ninmi. Ashtawan, shuk paktachinatak nishpa killkatami churana, shinami kay kamachiy paktarinapak yaykukpika, yachak tantanakuypi llankakkuna kullkillankay tantarikunawan kimirishkakuna, tukuy willaykunata mañankapak, shinalaltak llaktapak llankaywasikunapash paktarikpika llankayta charinkapak.
.Jessica Castillo kamachi killkak, kamachi rurana killkata riksichik Mamallakta Tantanakuy pushakta, kay rimanakuyta harkachichun mañan, kay Relaciones Internacionales Minkarishkapi, tukuy chayachishka yuyaykunata kimichinapak shinallatak Mamallakta Tantanakuyman chayachinapak puchukay killkata ruranapakpash, kipami pusak punchakuna ukupi apushitayman chayanka.
JLVN/pv/cg-k
Ashtawan shuyukuna:
