Kay Consejo de Administración Legislativa (CAL) wankuriy, chaypi kak sukta allukuna arinishkawan llaktay Ñawinchiynapak kimsa mañashkata arinirka, huchachiykunaka Consejo Participación Ciudadana y Control Social (CPCCS) tantanakuypi llankakkuna shinallatak Consejo de la Judicatura ñawpa pushak Mamakamachiyta, kamachiykunatapash wakllichishpa llankakushkamanta.
Kay CAL wankuripak kallari llankaypika CPCCS tantanakuypak 7 kunak runakunata ñawinchiynapak mañashkata arinirka, Ricardo Vanegas shinallatak José Chimbo kamachi killkakunami huchachiyta chayachirka, kaypika César Córdova runata Defensor del Pueblo tantanakuypi pushakta minkarishkata shutichishkamanta; Consejo de la Judicatura tantanakuypi rimarik Fausto Murillo runata llankaymanta llukshichishkamanta; shinallatak, Pablo Iglesias Paladines runata Superintendente de Ordenamiento Territorial pushakta shina shutichishkamanta.
Shinallatak, Llaktay Ñawinchiyman kayachik Ángel Maita Zapata y Mireya Pazmiño Arregui runakunaka Hernán Ulloa, María Fernanda Rivadeneira, Ibeth Estupiñán, Francisco Bravo runakunata CPCCS tantanakuy pushakkunatami ñawinchinapak kayachirka, paykunataka Contralor General del Estado tantanakuypak kay karwa killa arinishka uchilla kamachiyta mushukyachishkamanta.
Puchukaypika, CAL wankurika Viviana Veloz Ramírez shinallatak Fausto Jarrín Terán runakuna, ñawpa pushak, María del Carmen Maldonado warmita shinallatak, Fausto Murillo Fierro, Ruth Barreno Velín shinallatak Juan José Morillo Velasco, Consejo de la Judicatura tantanakuypi rimarikkunatapash Llaktay ñawinchiyman kayachishkata riksishpa arinirkakuna.
Mamallakta Tantanakuypak Killkakamayukmi kimsa puncha ukupi, llaktay ñawinchiy mañashkata tukuy willaykunawan kimichishpa, Comisión de Fiscalización y Control Político Minkarishka pushakman riksichun chayachinka shinallatak Ley Orgánica de la Función Legislativa kamachiypak artículo 80 niki killkapi willashkata katishpa.
EG/cg-k
