Mamallakta Tantanakuy 75 ari apushitashkawanmi Ley Orgánica que Garantiza la Interrupción Voluntaria del Embarazo para Niñas, Adolescentes y Mujeres en caso de Violación kamachi rurana killkata arinirkakuna, kayshina paktayka Corte Constitucional (CC) tantanakuypak yuyaypaktarishka killkata arinishkami kan, paykunaka Defensoría del Pueblo pushaktami kamachi ruranapak killkata chayachichun mañarka, kay killkataka Justicia y Estructura del Estado Minkarishkapimi riksishpa allichirkakuna yuyaykunataka pakta riksishpa, mushuk yachaykunawan chimpapurashpa shinallatak runa ayllupak hayñikunamanta, warmi tantarikuymanta shinallatak kari warmi wawakuna, wamrakunapak hayñimanta llankakkunapashmi yuyayta chayachirkakuna.
“Kay punchaka, Mamallakta Tantanakuymi llaktayukkuna mañashkata kutichin achiklla llankakushkata, sumaychashpami riksichishkanchik. Kunanka, Mamallakta Tantanakuymi kay kamachiyta llaktayukkunawan, kacharishka yuyaywan rimanakushka kipami kamachi killkakkunaka arinirkakuna, kay kamachiyka llaktapi kunan pacha kawsakuk kari warmi wawakunapak, wamrakunapak, warmikunapakpashmi mutsushka kan“, kashkanmi Mamallakta Tantanakuyta pushak, Guadalupe Llori Abarca, nirka.
Kay kamachiyka warmikuna, warmi wawakuna, warmi wamrakuna, chichu warmikunapash yumayllakichimanta chichushkata shullunatami sumaychanka, ukllanka, rikurankapash, kayshinami runa kawsaypak hayñikunata mamakamachiypi, istallakta hayñikunapipash churashkata kacharishpa paktachinka, chayachinkapash.
Killkata riksichik Johanna Moreira kamachi killkakk pakta allita riksishka kipami kay kamachiyka Ecuador llaktapak yumayllakipi wakllirishka ayllukunata yanapan. "Puchukay killkatami charinchik Mamallakta Tantanakuypi kamachi killkakkuna arinichun, kay kamachiyka warmi wawakunapak, warmi wamrakunapak, warmikunapak hayñitami sumaychan", nirkami.
Munaymanta shullanapak pachakunamantaka, kamachiy rurana killkapika 12 hunkaykama chichushkata harkapak nin. Ashtawankarin, Llaktami utkashpa yanapayta chayachina kan, ashtawankarin runa llakta warmi wawakuna, warmikuna kashkamanta yanapanapak, kay hampi ruraykunaka 18 hunkay chichukashkama paktariy ushanka, Chichuk warmi tisiku kakpi, umachinkashka kakpika alli hampi paktanata chaparashpami katinka, nin.
Mashna hunkay chichukashkataka hampik runakunami tukuy taripayta riksishpa willachinkakuna, shinallatak kay kamachiy rikuchishka hunkaykuna ukupi kashpaka, yumayllakichiymanta chichushkata yachashpa shulluchinaman paktarinkakuna.
EG/pv/cg-k
Ashtwan shuyukuna:
