Kay Leyes para la Estabilidad de la Seguridad Social en Ecuador kamachi ruranapak tawka kamachiykuna mushukyachinapak mashkayka, Mamallakta Tantanakuy kay 2021-2022 watakuna kullkillankaymanta, ruraykuna sinchiyachinamanta, llankay wiñachinamanta, llankaypak hayñikunamanta shinallatak seguridad social yanapayta rikunapak llankanapak churashkami kan.
"Tukuy Ecuador llaktayuk ayllukuna seguridad social yanapay chaskinapak hayñita sumaychanapakmi sinchita llankakunchik, kaypika kimirishka ayllukunapak kullkita achikllata, alli yuyaywan, sumaychashpa, ukta llankashpa pushanapak", kashnami Guadalupe Llori Abarca, Mamallakta Tantanakuyta pushak, nirka.
Kamachi rurana killkata riksichik Luis Almeida runaka chusku kamachiytami mushukyachinapak mashkakuna, nirka, kaypika Instituto Ecuatoriano de Seguridad Social (IESS) tantanakuyman kimirishka ayllukunapak kullkita achiklla pushakushkata riksinapakmi yanapanka shinallatak llaktayuk willayman chayachik yanapayta sinchiyachinka.
Rimanakuypika tawka kamachi killkakkunami Ecuador llaktapak seguridad social llika yanapayka kullkita, tisikuyakpi, wañukpi, llankaypi wakllirikpi, llankayta sakikpia yanapaklla mana kanchu, ashtawanpash mamallaktapak kullkillankayman, kullki paktariymanmi yanapan.
Kamachi killkakkunaka kay BIESS shinallatak IESS pushayta llankakkunaman, samakuk ayllukunaman chayachinapak mañankuna. César Rohon kamachi killkak, kay seguridad social mushukyachinaka anchami mutsurin nin, Mamallakta Tantanakuypak hatun llankaywasikunami nirka, llaktapak ukumanta kullki wakichiypimi yanapan chaymantami achillata pakta pakta pushana mutsurin, kayshina kullkillankayta sinchiyachishpa rinkapak, nirkami.
Kamachi rurana killkaka Derecho al Trabajo y la Seguridad Social Minkarishkamana tikranka, tukuy chayachishka yuyaykunata tantachinkapak shinallatak ishkayniki rimanakuypak llankaywillayta allichinkapakpash.
KC/pv/cg-k
