Guadalupe Llori Abarca, Mamallakta Tantatanakuyta pushak, kunan tutamantami comandante General del Ejército, Luis Burbano Rivera pushakman tukuy tantanakuy sinchiyta llakta ukllaypi llankashkamanta, shuk Yuyarinakushka “Dr. Vicente Rocafuerte” unanchata chayachirka, shinami mamallakta kikin sumaychay kawsayta wiñaymanta riksishpa chayachinchik, nirkami.
Kashina raymika, Batalla de Tarqui atiriy 193 watakuna paktashkamanta, Ejército ecuatoriano, del Civismo y de la Unidad Nacional puncha kashkamantami paktarin,
Mamallakta Tantanakuyta pushakka atirik warmishina, shinchi llankay paktachiypika, ashtawankarin, llaktata, llaktayukta kuyaywan llankashpami Ecuador llaktapak hatun yuyaykuna paktaman chayashun, nirkami.
"Tukuy Ecuador llaktapak shutipimi Llaktapak Awkakunaman sinchita punchanta llankashkamanta; yachaywan, kuyaywan llakta kawsayman hatun yuyaykuna paktashkamanta", shinami Guadalupe Llori, pushak nirka.
Paymantaka, Luis Burbano, comandante General del Ejército pushak, Mamallakta Tantanakuyta yupaycharka shinallatak Ecuador llaktata llaktayuktapash yanapanapak hatun yuyaywanmi llankakunchik nirkami. "Mamallakta Tantanakuymanta unancha karashkata chaskina hatun kushiyaymi, Ecuador llakta awkakunapak shutipi yupaychani; Pushak warmi kaypi kikin wasimi, yanapanami ñukanchik kushi kawsay kan" nirkami.
EG/pv/cg-k
