Kay awaki 28 puncha panchi killami, Consejo de Administración Legislativa (CAL) wankurika, chusku ari apushitaywan, Ley Orgánica para la Atracción de Inversiones, Fortalecimiento del Mercado de Valores y Transformación Digital kamachi ruranapak killkata akllarka, Llakta pushakmi kullkimanta utkashpa rurana nishpa chayachirka.
Llaktapi achka punchakunata Carnaval raymipi kakpipash, Mamallakta Tantanakuyka llankashpa katikunmi, Ecuador llakta mañashkata kutichinkapak.
Llakta pushak Guillermo Lasso Mendoza runaka, llaktapak tawka kullki llankayman kayachinapak, yanapanatami mashkakun, llankayta wiñachishpa, mintalay paktaykunata kuyuchishpa, shinallatak chaparanapi rikunapak kamachiyta rurashpa, kay yuyaykunatami Comisión Especializada Permanente de Desarrollo Económico, Productivo y la Microempresa Minkarishkapi riksishka kanka.
Johanna Moreira Kamachi killkak, CAL wankuripi rimarikka, kay mushuk kamachiypika shuk killkata Ley de Desarrollo Económico y Sostenibilidad Fiscal kamachiyta anchuchinapak mañaytami churachun mañasha nirka "kaykutinmi manu kullki hatunmañayta anchuchina pakta pacha kan", nirkmi. .
Kamachiy rurana killkaka kullkillankayman kayachinapakmi, kay kamachiywanka llaktapak-shukllapak wankurinaman kayachin; shinallatak zonas francas shinallatak Zonas Especiales de Desarrollo Económico (ZEDE) mintalaytami rikuranka; shinallatak kay mercado de valores chanita rikuk kamachiy mushukyachinata mashkakun shinallatak antnichik mushukyachiypi kamachiyta kimichinapak; mañaykunata tukuy llikapankaman chayachinkapak.
Mañay
Kay Ley Orgánica de la Función Legislativa kamachiypak 59 niki killkata katishpa, Llakta pushak kamachikuna kullkimanta utkashpa ruranapak chayachishka killkakunapika, Minkarishkakunami chunka punchakuna ukupi, kamachiy rurana killkata riksina kallarishka punchamanta, Mamallakta Tantanakuy pushakman, tukuy yuyaykuna tantachishkatashuk llankaywillaypi kimichishkawan.
EG/pv/cg-k
