Mamallakta Tantanakuyka Ley Orgánica de Vivienda de Interés Social kamachiyta Llakta pushak allichinaman kachashkata riksirka, kay kamachiywanka pushanapak, llankayta allichinapak, rikuranapak, chaparanapak shinallatak tukuy llaktayukkuna kawsanapak pakta wasita charichunmi yanapan shinallatak llaktayukpakpash kawsayallpa wiñarichun, kay kamumi Kamachi Kipuman willachinapak chayanka.
"Tukuy Ecuador llaktayukkunami wasita charinapakka hayñita charinchik, tukuylla wasi aylluwan sumakta puñunkapak. Chaymantami, Mamallakta Tantanakuymanta ayllukuna wiñayta muskushkata yanapanapak kamachiyta arinishkamanta kushiyani, shinami hayñita paktashpa, kawsanaklla, yaykurinapaklla wasi charinata sumaychanchik", kashnami Guadalupe Llori, Mamallakta Tantanakuyta pushak, nirka.
113 ari apushitaywan, kamachi killkakkunaka 2; 5 niki killka, rikuchik s; 12; 13; 20, rikuchik a; 30; 31; 32; 41, ishkayniki yaykuchishka; 42; 43; 45; 46; 47; 53; 57; 60; 61; 62; 63; shinallatak, Ishkayniki puchukay churashka killkata kutinpash arinirka. Mientras que, por unanimidad. Chayamuk 131 kamachi killkakunawanmi, Mamallakta Tantanakuyka 5 niki killapi, rikuchik k; 18; 20, rikuchik b; 24; 37; 40; 41, shukniki kimichishka killka; 50; 51; 52; 54; shinallatak, Ishkayniki Tukuypak churashka killkata hapirkakuna.
Riksichik Patricia Sánchez nirkami "Kay kamachiyka Ecuador llakta runakunapak kawsayta wiñachinapak, tantanakunapak, kullkillankaypakpashmi yanapan, shinami mamakamachiypi rikuchishka Sumak Kawsayta sumaychan", nirkami.
Paymantaka, Celestino Chumpi kamachi killkak, Gobiernos Autónomos Minkarishkata pushak, kay kamachiyka mamakamachiypak yuyaykunapi kimirishkami shinallatak Mamallakta Tantanakuyka Ecuador llakta ayllukunawanmi paktarishka chaymantami llaktata yanapak kamachiyta rurakunchik.
Ashtawanpash, kay kamachiyka tisikuna runakunata, runa llakta ayllukunata, Alto Cenepa llaktapi ñawpa atirikkunata shinallatak wakllirina ayllukunatapashmi yanapan. "Kay kamachiyta kutinpash arinishkawanka ñukanchikpak llankayka ayllukunata yanapanapak kashkami kutinpash riksirin", nirkami.
Francisco León runaka Ley de Vivienda de Interés Social kamachiyta allichinaman kachashkata kay Minkarishkapi riksishkatami willarka, Ecuador llaktapak munaytami tantachin nirkapashmi.
KC/pv/cg-k
