99 ari, 16 manapi, 10 mana apushitaywanmi, Mamallakta Tantanakuyka, achka pachakuna rimanakuypi 4 pacha tutamantakama rimanakushpa, 268 ayllukunata wanachishkamanta huchata kunkarinapak arinirkakuna, yuyaypaktarinapakka mañay chayachik ayllukunatami ima hucha charishkata shukllanchishpa riksirkakuna, runa hayñipak tukuy llikata istallaktakunapi riksishpa, mamakamachiypi paktarishpa, kamachiy, uchilla kamachiypi shinalaltak Mamallakta Tantanakuy huchata kunkarinapi paktanata katishpami arinirkakuna.
Achka pachakunata rimanakushka kipa, Mamallakta Tantanakuyta pushak, Guadalupe Llori Abarca kamachi killkakka, Mamallakta Tantanakuyupika shunkumanta yuyaypukuywan, Ecuador llaktapi tukuykuna kutinpash pakta kawsana munaywanta paktachunmi llankakunchik, "Kayshina yuyaypaktarikunaka llaktayuk kutinpash tantanakuyta sinchiyachin, Ecuador shuyakushka tantachina yuyaypi llankakushkamanta kushillami kani, ñukanchik mashikuna, llaktapak llankakkuna, runapak hayñita mitsakkuna, yakuta, pachamamata shinallatak tukuy ayllukunata charikkuna kunanka kacharishka yuyayta, llaktapak kamayta, shuklla wankuritapash paktana kanchik", nirkami.
Tukuy 268 runakunata hucha kunkarinapak arinishkapika, 60 ayllukunaka "kay wayru - 2019 wata sinchi shayarinkapak atirinkapakpash hayñi paktachishkamanta huchachishkakunami", 1573 runakunaka "llaktapak allpakunata mitsashkamanta", 12 ayllukunaka "runa kamayta paktachishkamanta"; shinallatak 43 ayllukunaka "pachamamata mitsashkamantami".
Mario Ruiz, riksinapak llankaywillayta riksichik, 268 wasi ayllukunami Mamallakta Tantanakuypak utkashpa llankayta shuyakun. Kay Garantías Constitucionales Minkarishkapi ayllukunapak imamanta wanachiy paktakushkata shukyanchishpami riksirkakuna. Kay minkarishkapi allichishka llankaywillayka hucha kunkarinapak mañashkata hapishpa arininapak chayachirka.
Rimanakuypika, Pedro Velasco kamachi killkakka 48 ayllukunapak shutimi kaypi mana rikurina kan ñami llaktapak kamay ñawinchishpa yallirka, shinapash rakichun mañarka, shinalaltak wichkanapak churashkatapash rakichunmi mañarka.
Victoria Desintonio kamachi killkakka llaktayuk atirinakuyka riksirinapakmi shinallatak sumaychashka mana llakichiyta shina rikushkami kana kan. Bruno Segovia, huchata kunkarinapak mañashkaman kimirini ninmi. shinallatak pachamamapak, runa ayllukunapak hayñita mana sumaychashpaka kasiklla kawsay mana tiyankachu nin. Guido Chiriboga runaka, Llaktapak hayñikunata shinallatak runa ayllukunapak charishkatapash mitsarinaman kayachirka. Hucha kunkarinapak mañashkata shukyanchishpa shinallatak shuk shuk apushitanaman kayachirka.
Mamallakta Tantanakuyta pushak, Guadalupe Llori, tukuy wankurikunamanta kamachi killkakta uyashka kipami rimanakuyta wichkashpa apushitayman kayachirka.
7 pachakuna yallitami rimanakurka, kaypimi Minkarishka allichiska llankaywillayta riksirkakuna. Kay yuyaykunapika, Minkarishkakunaka imamanta wanachishkata, kamay paktakushkata, llakichishkata, kamay imapi kashkata, imamanata huchachishkatami shukyanchishpa huchachishka ayllukunataka riksirkakuna.
JLVN/pv/cg-k
