Mamallakta Tantanakuyka Ley Orgánica de Vivienda de Interés Social kamachiyta Llakta pushak allichinaman kachashkatami riksirka, kay kamachiywanka pushanapak, llankayta allichinapak, rikuranapak, chaparanapak shinallatak tukuy llaktayukkuna kawsanapak pakta wasita charinapakmi kan. "Tukuy Ecuador llaktayukkunami wasita charinapakka hayñita charinchik, tukuylla wasi aylluwan sumakta puñunkapak. Chaymantami, Mamallakta Tantanakuymanta ayllukuna wiñayta muskushkata yanapak kamachiyta arinishkamanta kushiyani, shinami hayñita paktashpa kawsanaklla, yaykurinapaklla wasi charinata sumaychanchik", kashnami Guadalupe Llori, Mamallakta Tantanakuyta pushakka, nirka.
Mamallakta Tantanakuypi LOEI kamachiy mushukyachinata Llaktapak yachachikkunata yanapanata kutinpash arinin
Mamallakta Tantanakuypi, 113 ari apushitaywanmi, Educación Minkarishkapi churashka yuyaykunata hapinapak arinirkakuna, Llaktapi yachachikkunapak killakullkita mirachinamanta shinallatak yachachikkuna samanapak rikuchik niki killkata kutinpash chayllapitak sakinatami arinirkakuna. “Llaktapak shukniki sinchiywasi shinaka Ecuador llaktapi yachachikkuna punchanta wawakunata, wamrakunatapash yachachishpa llankashkatami riksirinchik, Mamallakta Tantanakuymantaka utkashpa mushukyachun shuktakyachunpash mañashkatami kutichinchik shinami hampinapi, yachaypi, kawsaytarpuypi, llaktayuk kashiklla kawsaypi, llakita rikuraypipash Minkapi llankakun”, kashnami pushak, Guadalupe Llori, kay Ley Orgánica de Educación Intercultural kamachiy mushukyachinapak ishkay niki rimanakuy ukupi, nirka.
Mamallakta Tantanakuyka wanachishka 268 ayllukunatami kunkachin
99 ari apushitaywanmi, Mamallakta Tantanakuyka 268 ayllukunata wanachishkamanta huchata kunkarinapak arinirkakuna, yuyaypaktarinapakka shukllanchishpami mañay chayachikta ima hucha charishkata, runapak hayñikunamanta istallakta kamachikunapi uchilla kamachiykunapipash kimirishpa, shinallatak Mamallakta Tantanakuy huchata kunkarinapak paktashkata rikushpa arinirkakuna.
Tukuy 268 ayllukuna hucha kunkarishkapika, 60 ayllukunaka “wayru killa 2019 wata llaktayuk atirinakushkapi kamay ñawinchiy kallarishkamantami”; 153 ayllukunaka “Runa ayllu llaktakunata mitsarikkunami”; 12 ayllukunaka “Runa kamayta paktachikkunami”; shinallatak 43 ayllukunaka “Pachamamata mitsarikkunami” kan.
Mamallakta Tantanakuyka Ecuador llakta China llaktawan ayllukunata chayachinapakmi yuyarinakun
Tukuykunami, chaypi kak kamachi killkakkunapak 129 ari apushitaywan, Mamallakta Tantanakuypi Ecuador llakta República Popular China llaktawan ayllukunata chayachinapak yuyarinakushka killkata kutinpash arinirkakuna, kay kamachiywanka istallaktakuna kasiklla kawsanapakmi yanapanka, shinallatak llaktapura ruraykunata makipuranapak, sinchiyachinapak, wiñachinapakpashmi yanapanka. "República Popular de China llaktawan shuk yuyarinakushka killkatami arininchik, kay killkawanka ishkantak llaktapurami mutsushkapi kamaywan, kamay paktachiywanpash llakikunata chimpapuranapi, llakikunata kunkarinapipash yanaparinkakuna", kashnami Mamallakta Tantanakuyta pushak, Guadalupe Llori Abarca, nirka.
Mamallakta Tantanakuyka Ley Tributaria kamachiyta anchuchinapakka paktarina mañaytami katinka
Mamallakta Tantanakuyka 104 ari apushitaywanmi kay Ley Orgánica para el Desarrollo Económico y Sostenibilidad Fiscal tras la Pandemia Covid-19 kamachiyta anchuchinapak kamachiy rurana killkata ruranapakka paktarina ñanta katishpa akllanapakmi yuyaypaktarirkakuna. Kay Ley Orgánica de la Función Legislativa (LOFL) kamachiypika Consejo de Administración Legislativa (CAL) wankurimi ishkay kamukuna chayachishkataka akllashpa shuk Minkarishkamana allichichun chayachina nin. “Llaktayuk chaypikachun, Mamakamachiyta shinallatak runakunapak hayñitapash ukllakmi kani. Chaymantami, Mamallakta Tantanakuyta pushakshina, rimanakuyta sumaychashkani, shinallatak, llaktayuk chaypi kakpimi, Mamallakta Tantanakuypi chawpi yalli kamachi killkakkuna kay kamukuna imashina akllanapak yuyarinakurkakuna”, Mamallakta Tantanakuyta pushak kashnami nirka.
Pushak Guadalupe Llori, warmikunapak wawakunapak llankashpa katishami nin
“Kunanmi wiñaymanta atirishkata yuyarinchik, tawka watakunatami chikanyachishka, millashka, wakllichishkapash warmikashkamanta shamurkanchik, kunanmi sinchita chimpapurashpa hatun paktaykunaman chayakunchik. Kunan punchami yallishkata yuyarishka atirishkamanta kushiyana kan”, kashnami Mamallakta Tantanakuyta pushak, Guadalupe Llori Abarca, Kamachiy Awllipi llankak warmikunata Istallaktapi Warmikunapak Puncha raymi ukupi nirka. Kay rayminchipika, Mamallakta Tantanakuyta pushak, Guadalupe Llori, Consejo de Administración Legislativa (CAL) wankurimanta kamachi killkakkunawan makipurashpami unanchakunata tawka warmikunaman, mamakunaman, punchanta llankashpa llaktaman yanapakkunamanpash kararka. Kamachi Awllita pushakka, kay punchapi tawka rimanakuykuna, raymikunapipashmi warmikunata yuyarishpa chayarka, kaypika tukuykunapak pakta pakta, sumaychashpa, yanantikwan llankanapakmi arinirka, shinami warmikunata llakichiytapash harkashun chimpapurashun, nirkami.
Kullkimanta utkashpa ruranapak kamachiy killka shukniki rimanakuyta yallirka
Mamallakta Tantanakuy shikniki rimanakuypimi Ley Orgánica para Atracción de Inversiones, Fortalecimiento del Mercado de Valores y Transformación Digital kamachi rurana killkata riksirkakuna, Llakta pushakmi kamuta kullkimanta utkashpa rurana nishpa chayachirka. Rimanakuyka Desarrollo Económico Minkarishka allichishka llankaywillaypi kimirishpami riksirkakuna, killka allichinapak rimanakuymanka 39 tantanakuykunamanta, llaktayukmanta, kullkillankay pushakkunamanta, llaktapi pushakkunamanta, kullkillankay yachakkunamanta, shukllapak llaktapaktapash llankaywasimantami chayamushpa yuyaykunata chayachirkakuna.
Mamallakta Tantanakuypak Ñawpapushakkuna shuti wasi ukuta Transito Amaguaña warmipak shutiwan sumaycharka
Kay Consejo de Administración Legislativa wankurika Mamallakta Tantanakuypak Salón de Expresidentes wasi ukuta Salón Mama Rosa Elena Tránsito Amaguaña Alba shutichirka, Ecuador llaktapi atirik runa warmipak hatun llankayta riksirishkami, payka Ecuador llaktapak llankak ayllukunapak hayñimanta shinallatak runa ayllukunamantashmi atirishpa llankarka. “Shinami shutita wiñaypak wakichishpa sakinchik, llaktayuk chayana ukupi wiñayta tiyachun, kaypimi punchanta minkapi tukuy paktarichun llankakunchik”, kashnami pushak Guadalupe Llori, nirka, shinallatak Yeseña Guamaní, Mamallakta Tantanakuypak ishkaniki kipapushakka, Tránsito Amaguaña runa atirik warmipak kawsaytaka tukuy llakta warmikuna katinakanchik, nirka.
CAL wankuri tawka kamachi rurana killkata ñawinchiytapash paktanapak akllarka
Kay Consejo de Administración Legislativa (CAL) wankurika tawka kamachi killkakkuna kamachi ruranapak kamukuna chayachishkatami akllashpa Minkarishkakunaman llankay kallarichun chayachirkakuna. Shinallatak Ñawinchiykunatapash tawka Minkariskakuna kallarichun mañarka shinami llaktapak llankaywasi pushakkuna mana pakta llankashka nishpa willaykunata mañashpa kallarinka, shinami kay Ley Orgánica de la Función Legislativa kamachi rikuchishkata katishpa paktarinkakuna. Minkarishkakunaka llaktay chapaytami chay pachallatak kallarichishpa tukuy willaykunata chayachichun mañanka
Minkarishkakunaka Mamallakta Tantanakuypi riksinapak ñami llankaywillayta charin
Kay Justicia Minkashkapika kay Presentación y Control de las Declaraciones Patrimoniales Juradas kamayta mushukyachinapak llankaywillayta shukniki rimanakuypak arinirka, kaypika Mamallakta Tantanakuy kay mañashkata wakichichunmi rikuchin. Kay Ley para la Legalización de la Tenencia de Tierras que se encuentran en la circunscripción de los cantones Guayaquil, Samborondón, El Triunfo y Monte Sinaí kamachi mushukyachina killka Mamallakta Tantanakuypak ishkayniki rimanakuypak Gobiernos Autónmos ishkaniki rimanakuypak llankaywillayta arinishka kipa ñami tiyan, Kay Ley de Apoyo Humanitario kamachiyta chawpita anchuchik kamachiypak llankaywillay ishkayniki rimanakuypak Garantías Constitucionales Minkarishkapimi arinirka, Ishkay llankaywillaytami Derecho al Trabajo Minkarishkapi arinirkakuna. Kaykunaka Ley de Servicio Público y de Régimen Jurídico del Derecho al Cuidado Humano kamachiykuna mushukyachinamantami. Kay Soberanía Alimentaria Minkarishkapi shukniki rimanakuypak llankaywillaytami kay Ley para la Defensa y Desarrollo de la Economía Familiar Campesina kamachiy rurana killkamanta arinirka, kay kamachiyka llakta allpapi uchilla llankakkunata rikunapa, yanapanapak shinallatak paykunapak hayñita sumaychanapakmi yanapanka. Ka Código de Planificación y Finanzas Públicas kamachi mushukyachinapak killkaka Llakta llankaykullki rikuchik pankapi Hampinapak, yachaypakpash kullki chayachinata sumaychachunmi rikuranka, kay Régimen Económico minkarishkapi shukniki rimanakuypak llankaywillayta ñami arirkakuna.
Hayñikunata ukllana shinallatak runa wakllichina chaparaymi kay hunpaypi llankaykuna karka
Kay Relaciones Internacionales Minkarishkapika kay Ley contra la Trata y Tráfico Ilícito de Personas kamachi rurana killkatami riksishpa katikunkuna shinallatak istallaktakunapi ayllukuna wañukpi apamunapak shuk yuyarinakushka killaktapashmi riksikunkuna. Kay Derecho a la Salud Minkarishka kay Ley de Salud e Higiene Menstrual kamachiy rurana killkapak llankaywillayta shukniki rimanakuypak riksishpa allichiy kallarirka, kay kamachiyka warmipak killa unkuyta rikunapak shinallatak mutsurishkaman warmikuna pakta chayanapakmi yanapanka.
Llaktayukkuna chayanami Mamallakta Tantanakuypak llankaypika hatun yanapay
Wasi aylluta wakllichiymanta, kari warmi wawakuna, wamrakunamantapashmi kay Comisión Ocasional de Protección a la Niñez Minkarishkapi Sandra Delgado warmi, Fundación Píntate Ecuador tantanakuyta pushakwan, kay Código de Protección Integral a Niñas, Niños y Adolescentes kamachi rurana killkamanta rimanakurka. Kay Soberanía Alimentaria Minkarishka kay Ley para Fomentar la Producción, Comercialización, Industrialización, Consumo y Fijación del Precio de la Leche y sus Derivados kamachiy rurana killkata allichinapakmi ishkayniki wankuri llankayta paktarirka. Kay Congope, Conagopare shinallatak AME tantanakuy pushakkunaka Gobiernos Autónomos Minkarishkaman chayamurka kaypimi llakta pushakkunaman kullkita chayachinapak kamachiy rurana killkamanta rimanakurkakuna. Ishaniki rimanakuypak llankaywillayta kay Ley para la Gestión de Emergencia Sanitaria por Pandemia Causada por el Covid-19 kamachiymanta allichinapak ñawpami, Derecho a la Salud Minkarishkapika mikuna katukkunawan, mintalay wasi pushakkunawanpash rimanakurka.
Contralor pushakta llaktay ñawinchiy, wichkana wasipak llaki shinallatak hampikunata chachiymi Ñawinchiy llankaypi rikurirka
Kay Biodiversidad y Recursos Naturales Minkarishka kamachi killkakkunaka Napo markamanta chayarkakuna, kaypimi llaktayukkuna, Tantanakuy pushakkuna, llakta pushakkunapash kay chukita pakalla llukshichikushkamanta llakikuna tiyashkata uyarkakuna. Kay Fiscalización y Control Político Minkarishkapika Carlos Riofrío runa, contralor general del Estado subrogante pushakta llaktayñawinchiyna mañashka ukupimi tukuy riksichiykunata chayachina pachakunami puchukarka, ñawirinapak mañaytaka Ronny Aleaga chayachirka, mamakamachita, kamachiykunatapash mana pakta rikushpa llankashka nishpa. Shinallatak, Derecho a la Salud Minkarishkaman Agencia de Aseguramiento de la Calidad de los Servicios de Salud y Medicina Prepagada (ACESS) tantanakuyta pushakmunami Guayaquil llaktapi umachinkachinapi urmashka ayllukunata pakalla hampina wasikuna tiyashka nishpa riksinata rimanakurkakuna. Kay Soberanía y Seguridad Integral Minkarishkaka Colegio de Abogados de Loja tantanakuy pushakkunatami chaskirka, paykunaka Sistema Nacional de Rehabilitación Social wichkana wasikunata imashina alliman chayachinapak yuyaykunatami chayachirka. Régimen Económico Minkarishkapika kay pachakunapi Banco del Pacífico kullkiwasi imashina paktarikushka taripaywan katikun. Kay kutinka Superintendente de Bancos tantanakuy chayachishka willaytami rikurkakuna.
PV/cg-k
