"Llaktapak shukniki ushay llankaywasi shinami Ecuador llaktapi yachachikkuna wawakunata, wamrakunatapash punchanta yachachishpa llankashkamanta riksirinchik, Mamallakta Tantanakuyka utkashpa mushukyachun, shuktakyachunpash mañashkatami kutichin, kay mushukyachishka kamachiypika, hampinamanta, yachaymanta, kawsaytarpuymanta, kasillka kawsaymanta, llakita chaparaymantapash Minkapi llankaymi ñukanchikpak hatun munayka", kashnami Mamallakta Tantanakuyta pushak, Guadalupe Llori Abarca, kay Ley Orgánica de Educación Intercultural (LOEI) kamachiypak llanaywillayta ishkayiki rimanakuypi nirkakuna.
Kay inti 13 puncha pawkar killami Mamallakta Tantanakuyka, 113 ari apushitaywan Educación Minkarishka rikuchishkata hapinapak arinirkakuna, kaypika Llaktapi yachachikkunapak killkakullkita mirachinamanta shinallatak yachachikkuna samanaman llukshinapak rikuchik killkatapash shuktakyachinatami arinirkakuna.
Manuel Medina, Educación Minkarishkata pushak shinallakta kamachiy allichishka killkata riksichik, kay Minkarishkamanta yachachikkunata yanapanchikmi, pakta alli samana pachakunata charichun shinallatak Mamakamachiy rikuchishka ukupi pakta killakullkitapash chaskichunkuna nirkami. "Kay llankaywillaypika killakullkitaka llaktapi tukuy llankakkunawan pakta paktami hapichunmi rikuchikun, kay mañayka 630 hunu dólar kullkimanmi paktarin", nirkami
Rimanakuy
Diego Esparza, Zolanda Plúas, Ana María Raffo, Rocío Guanoluisa, Isabel Enrríquez, Ramiro Frías kamachi killkakkuna, Educación Minkarishkamanta, Mamallakta Tantanakuyka kay Corte Constitucional tantanakuy mañashkatami paktachishka. Llankaywillaypika alli yachachikkunata rikushpa kullki paktana patakunatami churashkanchik, shinami yachashkata, ruraykunata, paktarishkatapash punchanta allikachichun kayachinchik, nirkami.
Mamallakta Tantanakuypi ishkayniki kipa pushak, Yeseña Guamaní, kamachi killkakunami llaktayukpak hayñikunata ukllana kanchik shinallatak kasiklla kawsaytapash mashkana kanchik. Llakta pushakwan shinallatak yachachik tantanakuy pushakkunawan rimanakushpa katinaman kayachirka. "Ñukanchik yachachikkuna llankaykullkita mana chaskishpa katikuy mana allichu", nirkami.
Nathalie Arias kamachi killkak nirkami "killanta kullki llukshinata wakinpilla kullki yaykushkawan mana paktariy usharinchu, ashtawanpash, kullkita maymanta mana paktanata charik kamachiyta mana allichiy ushanchikchu, punkara kunanpi kullki mirashkawan kay kamachiyta arininaka llakimi rikurin", nin.
Ishkay chunka kamachi killkak rimarishka kipa, llankaywillayta riksichikka LOEI kamachiypak niki killkakkunata chayllapitak sakinapak, shuktakta churanapakpash apushitayman kayachirka, kaypika "llaktapi yachachikkunapak killkakullkika paykunapak llankaywan paktarishkami kanka, chaypakka yachashkata, rikushkata, paktarishkata, yachaykuna charishkata, sumaychashkata, wiñaymanta riksishkatapashmi rikuranka. Shinallatak, yachachikpak chaskina killakullkika llaktapi tukuy llankakkunawan pakta paktami kanka".
Ishkayniki rimanakuy puchukashka kipa, Kamachi awllipi rikushkatami katinka, kaypika Llakta pushakpash Mamallakta Tantanakuypi arinishka killaktami rikushka riksinka.
KC/pv/cg-k
Ashtawan shuyukuna:
