Kay Consejo de Administración Legislativa (CAL) wankuri, tawka kamachi rurana killkatami allichinata kallarinapak akllarka, kaypika Decreto Ley Orgánica para el Desarrollo Económico y Sostenibilidad Fiscal tras la Pandemia Covid 19 kamachiyta anchuchinapak chayachishka ishkay kamukunata akllarka. Killkakunataka Mikarishkakunaman chayachirka paykunami riksishpa kallarinkakuna. Ashtawanka, llaktapi llankakwasita pushakkuna willay mañashkata mana chayachishkamanta huchachishkatapashmi riksirkakuna, chaymantami LOFL kamachi rikuchishkata katishpa ñawinchiyta kallarichun arinirkakuna.
Minkarishkakunaka Mamallakta Tantakuypi rimanakunapak llankaywillayta ñami charin
Kay Desarrollo Económico Minkarishkapika kay Ley para Atracción de Inversiones, Fortalecimiento del Mercado de Valores y Transformación Digital kamachiy rurana kamuta ishkayniki rimanakuypak llankaywillayta arinirka. Rimanakuyka Llaktayuk – Shukllapak Tantarinamanta; zonas francas shinallatak, zonas especiales (Zedes) suyu wiñarinamantami riksirkakuna. Kay Enmiendas Constitucionales Minkarishkapika mamakamachiyta llakta pushak allichinaman kachashkata rikunapak mushukyachinapak llankaywillaytami shukniki rimanakuypak arinirka; llankaywillaypika allichinaman kachashka killkata chayllapitak sakinapakka 92 ari apushitaywan arininapakmi mañan, kashnami llaktapushkay ushaykunaka yanantishpa chimpapuranka nishpami mañan. Kay Derecho a la Salud Minkarishkapi Ley de Salud e Higiene Menstrual kamachiy rurana llankaywillayta shukniki rimanakuypi riksinapak arinirkakuna, kay kamachiywanka warmi killa unkuy pachakunapi tukuy mutsurishkaman paktarichunmi yanapanka.
Contralor pushkata Llantay ñawinchinata, kamaypi hayñikuna wakllirishka huchachinatami Fiscalización minkarishkapi riksirkakuna
Kay Fiscalización Minkarishkapika Contralor pushakta llaktay ñawinchiyman kayachishkata Mamallakta Tantakuy wakichichunmi llankaywillaypi mañayta churarkakuna, taripaypika llankayta mana allí paktashka mana rikurinchu ninkunami. Ashtawan, kay Electro Generadora del Austro S.A. (Elecaustro) llankaywasipi rurakkunata, pushakkunatapashmi chaskirka, paykunaka kay proyecto Eólico Minas de Huascachaca llankayta kallarinapak yuyarinakushkatami riksichinkakuna. Kay Fiscal kamak runakunata akllashpa shutichinapak rikuchik killkata allichinatami Justicia Minkarishkapika rimanakurka, chaypakka Consejo de la Judicatura pushakkunami chayamurka. Shinallatak Kamay Awllikuna, llaktayukkunapash kamachita mana pakta katishpa llankay tiyan nishpa huchachishkatapashmi riksirkakuna. Kay Garantías Constitucionales Minkarishkapika Día Internacional de la Mujer puncha Llaktapi Chapakkuna Quito, Cuenca shinallatak Guayaquil kitikunapi atirikkunata wakllichishka nishpa huchachishkatami riksishpa kallarinkuna. Llaktapak Canciller pushak runataka Relaciones Internacionales Minkarishkamanmi kutin kayachirkakuna, paymi Ucrania, Rusia llaktakuna chimpapuraypi Ecuador llakta ayllukunata yanapay imashina paktakushkata willanka. Kay Derecho al Trabajo Minkarishkapika Concentración Deportiva de Pichincha tantanakuypi llankkuna paykunapak hayñikunata wakllichishka nishpa huchachishkatami riksishpa kallarirkakuna. Chaypakka Ministro del Deporte pushakta shinallatak llankak tantanakuy pushaktapashmi kayachinka. Kay Soberanía y Seguridad Integral Minkarishkapika wichka wasikunapak llakimanta shinallatak llaktapi kasiklla kawsay llakimantapashmi riksishpa katikunkuna. Kay Biodiversidad y Recursos Naturales Minkarishka pachamamata El Oro, Manabí, Bolívar markakunapi wakllichishkamanta , llakichishkamanta llaktayukkunata uyarka.
Mamallakta Tantanakuypi llaktayukta uyanapakka punkuka pashkashkami
Kay Educación Minkarishkapika yachachik tantanakuyta pushakkuna, maestro popular yachachikkuna shinallatak Educación Llaktapak llankaywasi pushakkunapashmi Ley de Educación Intercultural kamachiy mushukyachishkata killakullki mirachinamanta rimanakunapak tantanakurkakuna. Kay Soberanía Alimentaria Minkarishkapika kay BanEcuador kullkiwasi imashina llankakushkata shinallatak Banco Nacional de Fomento kullkiwasiman kutichina kullki tantachiy imashina paktakushkata, chinkachinapak paktakushkatapash riksirkakuna. Chaypakka, Llaktapi tarpuk runakuna, kay kullkiwasi pushakkuna, shinallatak BNFchinkachinapak pushakpashmi chayamurka. Kay Código de Organización Territorial, Autonomía y Descentralización kamachiy mushukyachinata rimanakuypika Gobiernos Autónomos Minkarishkaman Loja marka pushakmi paypak yuyaykunata riksichinaman chayamurka. Kay Transparencia Minkarishkamanka Ley del Participación Ciudadana para la Gestión Democrática de los Presupuestos Participativos kamachi mushukyachinapak yachak runakunami chayamurka, kamachiyka llaktapi puskaykunata alliman apanatami mashkakun. Kay Derecho a la Salud Minkarishkamanka ECU911 pushakkuna, shinallatak Ministerio de Salud pushakpashmi kay Ley para la Gestión de Emergencia Sanitaria por Pandemia kamachiy rurana killkamanta rikushka yuyaykuna chayachinapak shamurkakuna.
Kay hunkay llankaypika llaktayukta yanapanapak tawka kamachiy rurana killkakunatami rimanakurkakuna
Educación Minkarishkapika Ley de Cualificaciones kamachi rurana killkatami riksishpa kallarirkakuna, kaypika runa ayllukuna kikinmanta yachashkata katishpa, chawpi yachanapi, sumak yachanapipash mana paktashkata riksinapakmi mashkakun. Kay Derecho al Trabajo Minkarishka, kay Director Actuarial del IESS tantanakuyta pushakwanmi kay Seguro Social Campesino tantanakuy paktakushkata shinallatak kimirishka, samakuk ayllukunata yanapanapak paktaykunatapash rimanakurkakuna; kayshina rimanakuyka Ley de Seguridad Social kamachiy mushukyachina ukupimi churashka kan. Kay Justicia Minkarishkapika Contraloría tantanakuymanta, Kamachiy Awllimanta, shinallatak Wichkashka Kawsakuk runakuna paktarinamantapash rikunapak chayachishka kimsa kamachiy ruranapak killkakunatami riksishpa kallarirkakuna. Kay Relaciones Internacionales Minkarishkapika Ley de Movilidad Humana kamachi mushukyachinapak llankaywillaytami shukniki rimanakuyman chayachinapak ñawpami allichishpa katikun.
Minkashkapak llankayka llaktakunapipashmi paktarin
Kay Biodiversidad Minkarishkapi llankak kamachi killkakkunaka Sucumbios, Orellana marka, Piedra Fina kuska, Ecuador llakta Antisuyumanmi chayarkakuna, Kaypimi kay yallik 28 puncha kullka killka punkara hicharishkata, harkanapak churashka hutkukunata, pichanapak wachukunapash tiyashkata rikurkakuna, kaypika pachamamata, llaktayukkunatapash yanapay imashina paktakushkata rikurkakuna. Kaypika Llaktayukkunawan, llakta pushakkunawanmi rimanakurkakuna. Kay Soberanía Alimentaria Minkarishkaka Olmedo kitilli, Pichincha Markapimi llankarkakuna,; shinallatak Tarqui, Victoria de Portete, Azuay markapipashmi Ley para Fomentar la Producción, Comercialización, Industrialización, Consumo y Fijación del Precio de la Leche y sus Derivados kamachiy rurana killkamanta llaktayukkunawan rimakurkkakuna.
Llakta pushakpak llankaykullkimanta, llankay hayñimanta, wamrakunamantami Minkarishkakunaka llankarka
Kay Gobiernos Autónomos Minkarishkapika Viceministro de Finanzas y a la Subsecretaria de Presupuesto pushakkunami kay Ley para Asegurar la Asignación Directa y Oportuna de Recursos de los Ingresos Permanentes y No Permanentes a los Gobiernos Autónomos Descentralizados kamachiy rurana killkamanta riksichinaman chayamurka. Shinallatak Finanzas llankaywasi pushakta GAD tantanakuykunaman killanta kullki chayachina mashna paktashkatami willachun mañarka. Kay Ley de las Juventudes kamachi rurana killkatami kay Garantías Constitucionales, Minkarishkapika ishkayniki rimanakuypak llankaywillayta allichinapimi antanka purichikkuna, antawapi llankakkuna, antakuripi llankakkuna, wampuk antapi llankakkunapash chayamurkakuna. Kay Derecho al Trabajo Minkarishkapika llikapankakunapi llankaymanta imashina paktarinata kamachi killkakkuna chayachishka yuyaykunatami rimanakurka; kay hunkaypika kanchis llankaywasi pushakkuna yuyashkatami chaskirka, paykuna imashina llankaykuna mintalaykuna paktanamanta, shuktak yuyaykunamantapashmi rimanakurka.
PV/cg-k
